धुर्व गिरी
यहाँ गरिवि घटेको छैन
आत्मनिर्भरता बढेको छैन
बैदेशिक ऋण घटेको छैन
खै कहाँ आयो गणतन्त्र ?
झुपडिमा वसेकाको रोदन
दर◊वारमा बस्नेले सुनेका छैनन्
निर्मला पन्तका बाबुआमाको
आँसु अझै सुक्नै पाएका छैनन्
भरिया र कुल्लीका पसिनाले
अझै आराम गर्नै पाएका छैनन्
खै कहाँ आयो गणतन्त्र ?
इमान्दारीहरु निहुँरिनु परेको छ
वैमानहरुको राज बढेको छ
सदाचारीहरु दुःखी वनेका छन्
भ्रष्टाचारीहरु सत्तासिन भएका छन्
युवाशक्ति विदेसिएकै छन्
लम्पट र तलुवा चाट्नेहरुकै हालिमुहाली छ
खै कहाँ आयो गणतन्त्र ?
गरिवहरु सिटामोल नपाएरै मर्नु परेको छ
कसैले राज्य ठुकुटीबाट विदेशमा उपचार गरेको छ
कोही विद्यालय उमेरमा बाँच्नकै लागि वालश्रमिक बनेको छ
पहुँचवालाका सन्तान छात्रवृत्तिमा विदेसमा छन्
कहाँ छ समानता ? कहाँ छ मौलिक अधिकार ?
खै कहाँ आयो गणतन्त्र ?
स्वदेशको जागिरभन्दा डिभि पिआर कै महत्व छ
समान तहका राष्ट्रसेवकका सुविधा भिन्न छ
नैतिकता बेच्ने कानुन हातमा लिने कै वोलवाल छ
संघीयताको नाममा दरवार जति केन्द्र मै छ
गाउँवस्तीमा सिंहहरुकै राज छ
खै कहाँ आयो गणतन्त्र ?
