नेपालमा पनि दुई जनामा ओमिक्रोन भेरियन्ट पुष्टि भएको छ। स्वास्थ्य तथा जनसंख्या मन्त्रालयले सोमबार आयोजना गरेको पत्रकार सम्मेलनमा बोल्दै मन्त्रालयका सह-प्रवक्ता समिर अधिकारीले दुई जनामा ओमिक्रोन भेरियन्ट पुष्टि भएको जानकारी दिए। उनका अनुसार संक्रमितमध्ये एकजना ६६ वर्षीय विदेशी नागरिक र उनीसँग सम्पर्कमा रहेका अर्का ७१ वर्षीय वृद्धमा संक्रमण पुष्टि भएको र उनीहरु दुवै अफ्रिकाबाट आएका हुन् । उनीहरु दुवैको स्वास्थ्य अवस्था सामान्य रहेको र आइसोलेसनमा रहेको मन्त्रालयले जनाएको छ । ओमिक्रोनको जोखिम न्यूनीकरण गर्न सरकारले तीव्र रुपमा काम अघि बढाइरहेको सह-प्रवक्ता अधिकारीले जानकारी दिए । उनका अनुसार सरकारले यसको लागि जनस्वास्थ्यमा ध्यान दिएर प्नरवेश नाकामा एन्टीजेन परीक्षण, शंकास्पद बिरामीको जीन स्विकेन्सिंग, आवतजावतको लागि कोभिड खोप कार्डको विवरण लिने कार्य भैरहेको मन्त्रालयले जनाएको छ । मन्त्रालयले यसको जोखिमबाट बच्न सबैले स्वास्थ्यका मापदण्ड पालना गर्न समेत आग्रह गरेको छ । हालसम्म विश्वमा ५ सय ७४ जनामा ओमिक्रोनको पुष्टि भैसकेको छ।
