काठमाडौं : कांग्रेस नेता प्रकाशनमान सिंहले दोस्रो चरणको निर्वाचनमा शेरबहादुर देउवालाई समर्थन गर्ने भएका छन्। पहिलो चरणमा कुनै पनि उम्मेदवारले ५० प्रतिशत मत पुर्‍याउन नसकेपछि दोस्रो चरणको निर्वाचन आजै हुन लागेको हो।

सिंह भने,’ पहिलो चरणमा आम मतदाताले  शेरबहादुरजीलाई धेरै बढी भोट दिएका छन्। त्यसैले पनि हामीले दोस्रो चरणमा देउवालाई सहयोग गर्ने निर्णय गरेका छौं।’

यसअघि देउवाले आफ्नो दूतको रुपमा मंगलबार बिहानै गृहमन्त्री समेत रहेका नेता बालकृष्ण खाँडलाई प्रकाशमान सिंहलाई भेट्न चाक्सीबारी पठाएका थिए। त्यसपछि देउवाले समेत सिंहलाई भेटेर आफूलाई सहयोग गर्न आग्रह  गरेका थिए।अन्नपूर्ण पोस्ट बाट