प्युठान गौमुखी गाँउपालिका ४ नम्बर वडाको आयोजनामा ८ दिने डोका बुन्ने तालिम सञ्चालन भएको छ।
वडा भित्र रहेका आयस्तर कमजोर भएका विपन्न वर्गहरूको लागि तालिम सञ्चालन गरिएको वडाध्यक्ष धनिराम सुनारले बताउनुभयो। उहाँले आव ०८१/०८२ को वार्षिक कार्यक्रम अन्तर्गत लक्षित वर्ग विशेष कार्यक्रम अन्तर्गत डोका बुन्ने तालिम सञ्चालन गरिएको बताउनुभयो।
तालिममा साविकका वडाबाट सहभागी हुनेगरी १८ जनाको लागि तालिम सञ्चालन गरिने योजना रहेको भएपनि ११ जना मात्र तालिममा सहभागी भएको वडा सदस्य भरतबहादुर केसीले बताउनुभयो।
ढोका बुन्ने तालिमको प्रशिक्षक सिद्धिमान सुनार रहनुभएको छ उहाँले तालिम आठ दिन को छ पुरा सिप सिक्न कम्तिमा १५ दिन लाग्ने बताउनुभयो । उहाँले एउटा डोको को सामान्यतया ३५० मूल्य पर्ने र चोया तयारी अवस्था रहेमा एक दिनमा चारवटा सम्म बुन्न सकिने बताउनुभयो।
वडा अध्यक्ष धनीराम सुनारले सहभागीहरूले सिप सिक्नको लागि थप समय आवश्यक पर्ने भएमा केही दिन थप्न सकिने बताउनुभयो।
सिप सिकेर व्यावसायिक बन्न सकेमा स्वरोजगार बन्न सकिने र आर्थिक रुपमा समेत उपार्जन गर्न सकिने उहाँको भनाई छ ।
