प्युठान राष्ट्रिय अपाङ्ग सेवा संघको आयोजना राष्ट्रिय अपाङ्ग महासंघ नेपालको समन्वय र महिला, बालबालिका तथा जेष्ठ नागरिक मन्त्रालयको सहयोगमा एक दिने अपाङ्गता समावेशी विकास सम्बन्धी अभिमुखीकरण कार्यक्रम मल्लरानी गाउँपालिकाको खलंगामा सम्पन्न भएको छ।
अभिमुखीकरण कार्यक्रमको अध्यक्षता संघका अध्यक्ष हुनाराम खड्काले गर्नुभएको थियो भने कार्यक्रमको प्रमुख अतिथि जिल्ला समन्वय समिति प्युठानका समन्वय प्रमुख धर्मबहादुर जिसी रहनु भएको थियो प्रमुख अतिथि जिसीले अपाङ्गता भएका व्यक्तिको हक अधिकार तथा सहज सेवा सुविधाको लागि स्थानीयतह तथा सरोकरवालाहरूसँग समन्वय सहकार्य गर्न तयार रहेको बताउनुभयो।
कार्यक्रममा मल्लरानी गाउँपालिका अध्यक्ष क्रिष्ण बाहादुर खड्काले पालिकाको स्रोत अनूसार अपाङता भएका व्यक्तिको हित र विकासको लागि नीति कर्यक्रम तथा बजेट विनियोजन गरिने बताउनुभयो
प्रमुख जिल्ला अधिकारी दीपकराज नेपालले कानुनमा उल्लेख भएका यातायातमा छुट, स्वास्थ्य उपचार र सहज सेवा सुविधा कार्यान्वयन गर्न सम्बन्धित निकायसँग छलफल गरिने बताउनुभयो
कार्यक्रमममा जनप्रतिनिधि, प्रहरी कार्यालय, संघ संस्थाका प्रतिनिधि र अपाङ्गता भएका व्यक्तिको सहभागितामा कार्यक्रम गरिएको हो।
एक एकदिने अपाङ्गता समावेशी विकास सम्बन्धी अभिमुखीकरण कार्यक्रममा अपाङ्गता सम्बन्धी ऐन नियम, सेवा सुविधा, अपाङ्गता परिचयपत्र र स्थानीय तहको भूमिका, वार्षिक नीति कार्यक्रम सम्बन्धी छलफल भएको थियो।
कार्यक्रमको सहजीकरण राष्ट्रिय अपाङ्ग महासङ्घ लुम्बिनी प्रदेशका सचिवालय सदस्य जुमान सिंह केसीले गर्नुभएको थियो।
सहभागी अपाङ्गता भएका व्यक्तिले आफूहरूले सहज रुपमा सेवासुविधा ताथा अधिकार पाउन नसकेको गुनासो समेत व्यक्त गरेका थिए। उनीहरूले अझै पनि समाजमा अपाङ्गताप्रति गलत धारणा रहेको गुनासो गरेका थिए।सहभागीहरूले क्षमता विकास, सशक्तिकरण का कार्यक्रमलाई निरन्तरता दिनुपर्ने सुझाव दिएका थिए।
