बिहिबार, भदौ १२, २०८२

सरुमारानी गाउँपालिकामा बालविवाह अन्त्य तथा बालमैत्री स्थानीय साशन सम्वन्धी अभिमूखिकरण

प्यूठान । सरुमारानी गाउँपालिका वडा नम्वर ४ वड्डाडामा बालविवाह अन्त्य तथा बालमैत्री स्थानीय शासन सम्वन्धी दुई दिने अभिमूखिकरण कार्यक्रम शनिवार सम्पन्न भएको छ । वडा अन्तरगतका बालवालिका तथा जनप्रतिनिधिको सहभागीतामा अभिमूखिकरण कार्यक्रम सम्पन्न गरिएको हो ।

बालविवाह न्यूनिकरण गर्ने र बालमैत्री स्थानीय शासन सम्वन्धी जानकारी प्रदान गर्ने उद्येश्यले अभिमूखिकरण कार्यक्रम संचालन गरिएको गाउँपालिकाले जनाएको छ ।

अभिमुखीकरण कार्यक्रममा बालविवाह, यसका कारण र असर, बाल अधिकार संगै बालमैत्री स्थानीइ शासन र यसका सुचकका विषयमा अभिमुखिकरण दिईएको हो ।

बालविवाहलाई निरुत्साहित तथा न्यूनिकरण गर्नकालागि अभिमूखिकरण कार्यक्रम संचालन गरिएको गाउँपालिकाका प्रमुख प्रशासकीय अधिकृत त्रिविक्रम खड्काले बताउनु भयो । अभिमूखिकरण कार्यक्रमको उद्घाटन गर्दै उहाँले बालविवाह न्यूनिकरणका लागि सवैपक्षको भूमिका महत्वपूर्ण हुने बताउनुभयो ।

 

यस्तै वडा अध्यक्ष तथा गाउँपालिकाका प्रवक्ता चिन्त बहादुर सोमैले सामाजिक समस्याको रुपमा रहेको बालविवाह न्यूनिकरणका लागि आवश्यक पहल थाल्ने बताउनुभयो । बालविवाह न्यूनिकरणमा बालक्लवको पनि महत्वपूर्ण भूमिका रहने औल्याउदै उहाँले अभिमूखिकरणवाट सिकेका विषयलाई व्यवहारमा लागु गर्न अनुरोध गर्नुभयो । वडाको योजना तर्जुमा देखि अन्य क्षेत्रमा समेत बालवालिकाको प्रतिनिधित्वलाई बढवा दिने बताउँदै उहाँले बालक्लवको क्षमता अभिवृद्धि गर्दै यसको निरन्तरताको लागि पहल गर्ने बताउनुभयो ।


सरुमारानी गाउँपालिकाको सहयोग तथा झिमरुक नेटवर्क एण्ड मिडियाको सहजीकरणमा अभिमूखिकरण सम्पन्न गरिएको छ । गाउँपालिकाको सहयोगमा गाउँपालिका अन्तरगतका ६ वटै वडामा दुई÷दुई दिनको अभिमूखिकरण कार्यक्र संगै बालक्लव समेत गठन गरिएको सरुमारानी गाउँपालिका महिला बालवालिका तथा जेष्ठ नागरिक शाखा प्रमुख अन्जु भाटले जानकारी दिनुभायो ।

वडा स्तरीय बालक्लव गठन
अभिमूखिकरण कार्यक्रमको अवसरमा वडा स्तरीय बालक्लव गठन समेत गरिएको छ । अनुस्का पुनको अध्यक्षतामा १३ सदस्यीय बालक्लव गठन गरिएको हो । बालक्लवको उपाध्यक्षमा अनिल विक, सचिव मनिषा सोमै मगर, सहसचिव प्रेम सोमै र कोषाध्यक्षमा अनन्त पुन चयन हुनुभएको छ ।

यो समाचार पढेर तपाईलाई कस्तो लाग्यो ?