दाङ समाज कल्याण केन्द्र नेपालले विपन्न तथा असहाय बालबालिकालाई सहयोग कार्यक्रम अन्तरगत घोराही १६ स्थित आधारभूत विद्यालय सानी अम्बापुरमा अध्ययनरत २ जना विद्यार्थीलाई शैक्षिक सामग्री सहयोग गरेको छ ।
समाज कल्याण केन्द्रका अध्यक्ष निर्मला गौतमको अध्यक्षता तथा घोराही उपमहानगरपालिका १६ नम्बर वडाका वडा अध्यक्ष ताराबहादुर डिसीको प्रमुख आतिथ्यता रहेको थियो।
सोमबार एक कार्यक्रमको आयोजना गरी विद्यालयमा अध्ययनरत विपन्न असहाय तथा जेहेन्दार दुई बालबालिकालाई शैक्षिक सामग्री सहयोग गरीएको हो ।
सानी अम्बापुरमा कक्षा ३ मा अध्ययनरत झरना मल्ल र कक्षा ४ मा अध्ययरत समीर नेपालीलाई कापी कलम, झोला, बिद्यालय पोशाक प्रदान गरिएको छ ।
ती दुवैजना बालबालिकालाई कक्षा १२ सम्म निशुल्क अध्ययन गराउने गरी समाज कल्याण केन्द्रले अभिभावकत्व लिएको अध्यक्ष गौतमले जानकारी दिनुभएको छ।
समाज कल्याण केन्द्रका अध्यक्ष निर्मला गौतमले संस्थाले हालसम्म २० जना असहाय, विपन्न, जेहेन्दार तथा अभिभावक विहीन बालबालिकालाई कक्षा १२ सम्म अध्ययन गराउनेगरी अभिभावकत्व लिएको उहाको भनाई छ।
संस्थाले आर्थिक कुनैपनि बालबालिका शिक्षाबाट वञ्चित हुन नपरोस् भनेर खुत्रुके अभियानमार्फत बालबालिकाको शिक्षामा लगानी गर्दै आएको समाज कल्याण केन्द्र दाङ्गले जनाएको छ।
वडा अध्यक्ष ताराबहादुर डिसीले असहाय र अनाथ बालबालिकाको निशुल्क शिक्षाका लागि खुत्रुके अभियानका माध्यमबाट समाज कल्याण केन्द्रले गर्दै आएको भुमिकाका कारण अहिले धेरै बालबालिकाहरुले शिक्षा पाउन सफल भएको भन्दै सामाजीक सेवाको भावले सबैले हातेमालो गर्न आवस्यक रहेको उल्लेख गर्नुभएको थियो।
आधारभूत विद्यालय सानी अम्बापुरका प्रधानाध्यापक गुरुप्रसाद डिसीले समाज कल्याण केन्द्रले विद्यार्थीहरुको भविष्य बनाउने संकल्पका साथ अभिभावकत्व लिएर १२ कक्षासम्म निशुल्क पढाउने वातावरण बनाई दिएको भन्दै खुशी व्यक्त गर्नुभयो ।
समाज कल्याण केन्द्र नेपालका कोषाध्यक्ष सुमित्रा गौतमक
ले विषय प्रवेश तथा स्वागत मन्तव्यबाट अगाडी बढेको कार्यक्रमको सहजीकरण सदस्य पूजा योगीले गर्नुभएको थियो ।
