प्यूठान । लुम्बिनी प्रदेशा सहरी विकास तथा खानेपानी मन्त्री रोज राणाले जिल्लाको विकासमा जनप्रतिनिधिवाटै बाधा पु¥याउने काम भएको बताउनु भएको छ । शुक्रवार नेपाल पत्रकार महासंघ जिल्ला शाखा प्यूठानले आयोजना गरेको पत्रकार सम्मेलनलाई सम्बोधन गर्दै मन्त्री राणाले जननिर्वाचित प्रतिनिधिले विकासको खाका अगाडी ल्याउनुको सट्टा विकासमा विग्रह ल्याउने प्रयास भएको बताउनुभयो ।
जिल्लाको विकासमा जनता संग गरेका प्रतिवद्धता पूरा गरेरै छाड्ने जिकिर गर्दै मन्त्री राणाले उल्लेख्य प्रयासवाट आगामी आर्थिक वर्षका लागि विकास वजेट वृद्धि गर्न सफल भएको बताउनुभयो । “प्रदेश सरकारवाट बजेट कम प¥यो भन्ने हल्ला फिजाईएको छ” मन्त्री राणाले भन्नुभयो, “वजेट कम भयो भनेर खुसी मनाउने होईन चिन्ता गर्ने हो ।” प्रतिनिधि सभा सांसद सूर्य थापालाई लक्षित गर्दै मन्त्री राणाले जिल्लामा आएको वजेटको वारेमा लेख्दा गोयबल्स शैलिभनेर भनिनु गैरजिम्मेवार अभिव्यक्ति रहको उल्लेख गर्नुभयो । “काठमाण्डौ बसेर जिल्लाको समस्या के छ भनेर फेसबुकमा स्टाटस हालेर जिल्लाको विकास हुने होईन” उहाँले भन्नुभयो, “फिल्डमै खटेर जनताका समस्या बुझेर बजेट र योजना हामीले अगाडी बढाएका छौं।”
जिल्लामा मन्त्रालय मातहतका कार्यालय नहुँदा अन्यत्र जिल्लाको वजेटको आकार ठूलो देखिएको छ ति कार्यालयवाट पनि प्रयाप्त बजेट जिल्लाका लागि विनियोजन गरेको उहाँको भनाई छ ।
विकासमा राजनीति नगर्न आग्रह गर्दै उहाँले जिल्लाको मुहार बदल्न सवैको भूमिका महत्वपूर्ण रहने बताउनु भयो । “राजनीति भोट भाग्दा गरौंला अहिले विकास गर्ने हो” उहाँले भन्नुभयो, “प्यूठान बनाउने कुरामा एकैठाउँ उभिऔं ।”
