प्युठान प्रधानमन्त्री कृषि आधुनिकरण परियोजना कार्यान्वयन एकाई प्युठानको ०८१/०८२ को वार्षिक प्रगति समिक्षा कार्यक्रम खलङ्गामा सम्पन्न भएको छl
प्रधानमन्त्री आधुनिककरण परियोजनाको ०८१/० ८२ को स्वीकृत कार्यक्रम अनुसार भए गरेका गतिविधि, उपलब्धी र चुनौती सहितको प्रगति प्रतिबेदन परियोजना कार्यनयन एकाइ प्युठानका प्रमुख चुमान सिंह गिरीले प्रस्तुत गर्नु भएको थियोे ।
प्रमुख गिरीले प्रतिबेदन प्रस्तुत गर्दै यस आवमा भौतिक प्रगति ९८.३% र बित्तीय प्रगति ९२.७४ रहेको बताउनुभयो।
आधुनिकीकरण परियोजना एकाईले चैते धानमा चारसय रोपनीबाट वृद्धि गरि अहिले तीन हजार नौ सय पन्चानब्बे रोपनी जग्गामा क्षेत्र बिस्तार भइ एक हजार ४८ मेट्रकट्न धान उत्पादन हुने र करिब चार हजार छ सय ९३ जनालाई एक वर्षको लागि चामल उत्पादन हुने बताउनु भयो।
प्रतिवेदनअनुसार परियोजना एकाईले प्युठानका विभिन्न स्थानीय तहमा तरकारी बीउ उत्पादन,चैतेधानमा माछापालन प्रबिधि प्रदशन,धानवृद्धि बीउ कार्यक्रम,अदुवा बेसार चक्लाबन्दी खेती प्रबर्द्धन कार्यक्रम,कृषिमा यांत्रिकरण सहयोग, सिचाइकुलो, पुर्वाधार निर्माण, कफिको नर्सरी स्थापना जस्ता कार्यक्रम संचालन गरि किसानको आयआर्जन र जिल्लालाई आत्मनिर्भरता गराउन सहयोग पुगेको उल्लेख गरिएको छ।
प्रधानमन्त्री आधुनिकीकरण परियोजना सहयोग कार्यक्रम विभिन्न स्थानीय तहमा संचालन भएका कार्यक्रमहरुको प्रगति प्रतिबेदन पालिका कृषि शाखाका प्रमुखहरुले प्रस्तुत गरेकाथिए ।
वार्शिक प्रगति समिक्षा कार्यक्रममा जिल्ला समन्वय समिति प्युठानका प्रमुख धरम बहादुर जिसीले किसानलाई प्रोत्साहन नगरे सम्म कृषिमा आत्मनिर्भर हुन नसकिने भन्दै सबै तहबाट किसानमैत्री निति कार्यक्रम संचालन गर्नुपर्ने बताउनुभयो। ” उहाँले प्रधानमन्त्री कृषि आधुनिकीकरण परियोजना मार्फत संचालित योजनाहरु प्रभावकारी देखिएकोले आगामी दिनमा अझ बिस्तार गर्दै लैजान आवस्यक रहेको भनाइ छ”।
कार्यक्रममा सुझाव सहित शुभकामना मन्तव्य राख्नेहरुमा भुमि आयोग प्युठानका अध्यक्ष शुवास केसी, पत्रकार महासंघका जुमान सिंह केसी, धान जोनका श्याम थापा लगएत रहनुभएको थियो।
आधुनिकीकरण परियोजनाका कृषि अधिकृत जयन्ती मल्लको स्वागत मन्तब्य संगै अगाडी बढेको कार्यक्रममा कृषि संग सम्बन्धित सरोकारवालाहरुको सहभागितामा प्रगति समिक्षा सहित अन्तरकृयात्मक कार्यक्रम गरीएको हो ।
