विजुवार । प्यूठान नगरपालिका प्यूठानले गत आर्थिक वर्षमा पालिकामा परेका अधिकाशं मुद्धाहरु मेलमिलापको माध्यमवाट सुल्झाएको छ । गत आर्थिक वर्ष ०८१÷०८२ मा पालिकामा दर्ता भएका ८५ बिबाद मध्ये ६१ वटा बिवाद मेलमिलापको माध्यमवाट टुङ्गाएको हो ।
गत आर्थिक वर्षमा न्यायिक समितिमा दर्ता भएका २४ वटा मुद्धा मात्रै प्रक्रियामा रहेको र बाँकी मुद्धा मेलमिलापको माध्यमवाट समाधान भएको नगरपालिकाका उपप्रमुख तथा न्यायिक समिति संयोजक देवेन्द्र बर्माले बताउँनुभयो । विवाद सुल्झाउनका लागि नगरापलिकामा ४९ जना मेलमिलाप कर्ता र १० जना मनोसामाजिक परामर्श कर्ताको व्यवस्था गरेको उहाँले जानकारी दिनुभयो ।
नगरपालिकाका अनुसार आर्थिक वर्ष २०७४÷०७५ देखि हाल सम्म न्यायिक समितिमा १९६ वटा उजुरी दर्ता भएका छन् । जस मध्ये १७० विवाद मेलमिलापको माध्यमवटा र २ वटा विवाद फैसलाको माध्यमवाट टुङ्गो लागेको संयोजक वर्माले जानकारी दिनु भयो । एक वटा मानाचामल र एक वटा ज्याला मजदुरी सम्वन्धी विवाद फैसलाको माध्यमवाट टुङ्गो लगाएको उहाँले बताउनु भयो ।
उहाँका अनुसार बालविवाहका कारण निम्तने समस्या,लैगिंक हिंसा र वैदेशिक रोजगारी सम्वन्धी विवादहरुको संख्या अन्य विवादका तुलनामा धेरै रहेका छन् । परस्त्री संगको सम्वन्ध र लैगिंक तथा घरेलु हिंसा सम्वन्धी विवाद सम्वन्धी उजुरी समेत पालिकामा दर्ता हुँदै आएको बर्माले बताउनुभयो ।
मंगलवार पत्रकार भेटघाट मार्फत नगरपालिकाले न्यायिक समितिले गरेका क्रियाकलाप बारे प्रगति विवरण सार्वजनिक गरेको हो । मेलमिलापको माध्यमवाट विवाद समाधानमा जोड दिदा समाजमा सामाजिक सद्धभाव कायम गर्न मद्यत पुगेको उपम्रमुख बर्माको भनाई छ ।
