काठमाडौं, २० फागुन । मन्त्रिपरिषद बैठकले विप्लव नेतृत्वको नेपाल कम्युनिस्ट पार्टीविरुद्धको प्रतिबन्ध फुकुवा गरेको छ । बिहिबार साँझ बसेको मन्त्रिपरिषद् बैठकले प्रतिबन्ध फुकुवाको निर्णय गरेको हो ।
भोलि विप्लव सार्वजनिक हुनु अघि सरकारले प्रतिबन्ध फुकुवा गरेको हो । यसअघि आज भएको सम्झौता अनुसार विप्लव समूहमाथिको प्रतिबन्ध फुकुवा गर्ने उल्लेख थियो ।
विप्लवसँग प्रधानमन्त्री केपी शर्मा ओली एउटै मञ्चमा उभिएर बोल्ने भएका छन् । यसको जानकारी गराइसकिएको छ ।
