राष्ट्रिय जनमोर्चा झिमरुक गाउँपालिका वडा न.३ का उपाध्यक्ष रेकमवहादुर महताराकी श्रीमती कमला महताराको सम्झनामा आज ढाकाडीमा श्रद्धाञ्जली सभा सम्पन्न भएको छ ।
राष्ट्रिय जनमोर्चा झिमरुक-३ को आयोजनामा सम्पन्न कार्यक्रममा राष्ट्रिय जनमोर्चाका नेता कार्यक्रता तथा स्थानीयको उल्लेख्य उपस्थिति रहेको थियो । कार्यक्रममा अखिल नेपाल किसान संघका जिल्ला अध्यक्ष एवम् ३ न. वडा अध्यक्ष मीनवहादुर खत्री, अखिल (छैठौं)का महासचिव सुवाश जि.सि., राजमो जिल्ला सदस्य केसरजंग एम.सि., राजमो झिमरुकका सचिव खिमवहादुर वि.क., नेकपा माओवादी केन्द्रका नेता खड्गवहादुर थापा लगाएतको उपस्थिति रहेको थियो । नेताहरुले रेकमवहादुर महताराको सामाजिक योगदानमा दिवंगत कमला महताराको महत्त्वपूर्ण योगदान रहेको कुरा स्मरण गरेका थिए ।
कार्यक्रमको अध्यक्षता राजमोका सल्लाहकार तेजवहादुर खड्का र सन्चालन राजमो तीन न का अध्यक्ष नवराज के.सि.ले गर्नुभएको थियो।
६३ वर्षीय महताराको गत पौष १७ गतेका दिन आफ्नै निवासमा निधन भएको थियो । उहाँ लामो समयदेखि दम रोगले ग्रसित हुनुहुन्थ्यो । उहाँका एक छोरा गौतम र २ छोरी हुनुहुन्छ ।
