प्युठान । नेपाल कम्युनिष्ट पार्टी (मसाल) प्युठानको आयोजनामा आज ऐतिहासिक तीन अभियानको समापन, १३५औं मजदुर दिवस र नवौं महाधिवेशनको घोषणा कार्यक्रम एकसाथ सम्पन्न भएको छ।

जुम्री बजारवाट सुरु भएको जुलुस विजुवार बजारको मित्रमणि चोकमा पुगेर सभामा परिणत भएको थियो ।

सभाको प्रमुख अतिथी राष्ट्रिय जनमोर्चाका लुम्बिनी प्रदेश अध्यक्ष बोमबहादुर खत्री रहनुभएको थियो ।

कार्यक्रममा राष्ट्रिय जनमोर्चाका केन्द्रीय सदस्य एवम् मल्लरानी गाउँपालिका प्युठानका अध्यक्ष कृष्ण खड्का, राजमो लुम्बिनी प्रदेशका सदस्य सुरेश थापा, अखिल (छैठौं) का महासचिव सुवाश जिसि र अखिल नेपाल ट्रेड युनियन महासंघका जिल्ला अध्यक्ष सुरेश श्रेष्ठको आतिथ्यता एवम् सम्बोधन गर्नुभएको थियो।

नेकपा (मसाल)का जिल्ला प्रवक्ता राम पहाडीको अध्यक्षता तथा जनजाती नेता अम्मरध्वज रानाले सञ्चालन गर्नुभएको कार्यक्रममा राजमो प्युठानका अध्यक्ष ज्ञामुराम न्यौपानेले स्वागत मन्तव्य राख्नुभएको थियो ।