खलंगा प्यूठान उद्योग वाणिज्य संघ मल्लरानी बजार क्षेत्रको आयोजनामा हुने खाना महोत्सव बारे शुक्रबार खलगामा पत्रकार संग छलफल गरिएको छ ।
पत्रकार भेटघाट कार्यक्रमलाई सम्बोधन गदै प्यूठान उद्योग बाणिज्य संघका निवर्तमान अध्यक्ष पशुपति नारायण नकर्मीले पर्यटन प्रर्वद्धनमा महोत्सवले महत्वपुर्ण भूमिका खेल्ने बताउनु भएको छ । उहाँले स्थानीय संघसंस्थाको सकृयतामा महोत्सव मार्फत मल्लरानीकि प्रचारप्रसार गर्नु स्वागतयोग्य भएको बताउनु भएको छ।
स्थानीय स्तरमा उत्पादन भएका विभिन्न बस्तुहरु बिक्रीवितरण तथा प्रर्दशन गर्ने स्थानीय अर्गानिक खानाका परिकार सहित विभिन्न कला, सस्कृति प्रद्शन गर्ने, मल्लरानीको महत्त्वलाई बुझाउने र चिनाउने महोत्सवको प्रमुख उदेश्य रहेको प्यूठान उद्योग बाणिज्य संघ मल्लरानी बजार क्षेत्रका अध्यक्ष भरत कुमार श्रेष्ठले बताउनु भयो ।
मल्लरानीको प्रचार तथा समग्र बिकासका लागि सबै हातेमालो गरेमा मात्र मल्लरानी गाउँपालिकाको बिकासले गति लिने प्यूठान उद्योग बाणिज्य संघ प्यूठानका कोषाध्यक्ष कुमार श्रेष्ठले बताउनु भयो ।
तेस्रो मल्लरानी फुड फेस्टिबल सम्बन्धमा आयोजकले पत्रकार हरुलाई समग्र कार्यक्रमको बारेमा जानकारी गराएको छ। पत्रकार हरुले समग्र महोत्सवलाई प्रभावकारी र पारदर्शी रुपमा संचालन गर्नमा आयोजकलाई सुझाव दिएका छ्न।
२०८१ चैत्र ३१ गते देखी २०८२ बैशाख २ गते सम्म संचालन हुने खाना महोत्सवमा राष्ट्रिय तथा स्थानीय कलाकारहरुको प्रस्तुति, पन्चेबाजा, मारुलिनाच, सराय लगाएतका कार्यक्रम रहने आयोजकले जनाएको छ ।
मल्लरानी गाउँपालिका तथा विभिन्न अन्य सरोकारवाला संगको सहयोगमा तथा सहकार्यमा महोत्सव संचालन हुन लागेको हो।
