प्युठान राष्ट्रिय जनमोर्चा जिल्ला समिति प्युठानका सदस्य तथा गौमुखी गाउँपालिका उपाध्यक्ष वीर बहादुर केसी मातृशोकमा पर्नुभएको छ ।
केसीकी ममतामयी आमा कुमारी केसीको ७१ वर्षको उमेरमा उपचारको क्रममा २०८२ वैशाख १५ गते बुटवलमा निधन भएपछि उहाँ शोकमा पर्नुभएको परिवारले जनाएको छ।
श्वासप्रश्वासको समस्याले पीडित केसीको वैशाख १६ गते नारिकोट फेदीस्थित कोइराघाटमा अन्त्यष्टि सम्पन्न गरिएको छ । अन्त्यष्टि कार्यक्रममा राष्ट्रिय जनमोर्चाका केन्द्रीय सदस्य नारायण जिसीले राजमोको झन्डा ओढाएर अन्तिम बिदाई गर्नुभएको थियो ।
दाहसंस्कार स्थलमा नेकपा मसालका लुम्बिनी प्रदेश प्रवक्ता तिलक जिसी, राजमो प्युठानका कोषाध्यक्ष टिका जिसी र राजमो नेता भरत केसी, अखिल नेपाल महिला सङ्घकी केन्द्रीय पार्षद तारा पुरी, गौमुखी गाउँपालिका अध्यक्ष विष्णु कुमार गिरी, वडा नं. ७ का वडाध्यक्ष कमल पुरी, नेकपा (माओवादी केन्द्र) लुम्बिनी प्रदेश समितिका थमलाल गुरुङलगायतको उपस्थिति रहेको थियो ।
राजमो गौमुखीका अध्यक्ष जनक केसीको सहजीकरणमा अघि बडेको कार्यक्रममा मृतक कुमारी केसीले सामाजिक क्षेत्रमा खेलेको भूमिका र योगदानको सम्बन्धमा राष्ट्रिय जनमोर्चा प्युठानका अध्यक्ष ज्ञामुराम न्यौपानेले प्रष्टपार्नु भएको थियो ।
