प्युठान गौमुखी अपाङ्ग सेवा संघको आयोजना राष्ट्रिय अपाङ्ग महासंघ नेपालको समन्वय र महिला, बालबालिका तथा जेष्ठ नागरिक मन्त्रालयको सहयोगमा एक दिने अपाङ्गता समावेशी विकास सम्बन्धी अभिमुखीकरण कार्यक्रम गौमुखी गाउँपालिका मा सम्पन्न भएको छ।
अभिमुखीकरण कार्यक्रमको अध्यक्षता संघका अध्यक्ष जुमान सिंह केसीले गर्नुभएको थियो भने कार्यक्रमको प्रमुख अतिथि गौमुखी गाउँपालिकाका अध्यक्ष विष्णुकुमार गिरी रहनुभएको थियो। प्रमुख अतिथि गिरीले अपाङ्गता भएका व्यक्तिको हित र विकासको लागि गाउँपालिका हातेमालो गर्न तयार रहेको बताउनुभयो। उहाँले अपाङ्गता भएका व्यक्ति,संस्था र सञ्जालसँग छलफल गरी आगामी कार्यक्रम तय गरिने बताउनुभयो।
कार्यक्रममा गाउँपालिका उपाध्यक्ष महावीर राना, प्रमुख प्रशासिक अधिकृत तुलसीराम पौडेल, वडा अध्यक्षबरु, उद्योगवाणिज्य सङ्घ, प्रहरी कार्यालय, संघ संस्थाका प्रतिनिधि र अपाङ्गता भएका व्यक्तिको सहभागितामा कार्यक्रम गरिएको हो।
एक एकदिने अपाङ्गता समावेशी विकास सम्बन्धी अभिमुखीकरण कार्यक्रममा अपाङ्गता सम्बन्धी ऐन नियम, सेवा सुविधा, अपाङ्गता परिचयपत्र र स्थानीय तहको भूमिका, वार्षिक नीति कार्यक्रम सम्बन्धी छलफल भएको थियो।
कार्यक्रमको सहजीकरण राष्ट्रि
य अपाङ्ग सेवा संघ प्युठानका अध्यक्ष हुनाराम खड्काले गर्नुभएको थियो।
सहभागी अपाङ्गता भएका व्यक्तिले आफूहरूले सहज रुपमा सेवासुविधा ताथा अधिकार पाउन नसकेको गुनासो समेत व्यक्त गरेका थिए। सहभागीहरूले क्षमता विकास, सशक्तिकरण का कार्यक्रमलाई निरन्तरता दिनुपर्ने सुझाव दिएका थिए।
