खलङ्गा । प्युठानको गौमुखी गाउँपालिका वडा नं. ५ सुन्दरमेला देउरालीमा जातीय समता समाजको भेला सम्पन्न भएको छ ।

समाजको जिल्ला समितिका कोषाध्यक्ष विनोद विक र जिल्ला सदस्य पुष्पा सुनारको उपस्थितिमा २०८० असोज २८ गते आइतबार सो भेला सम्पन्न भएको हो ।

दुवै अतिथिहरूले मन्तव्यसमेत राख्नुभएको उक्त भेलाको अध्यक्षता हुमबहादुर विकले, सञ्चालन अपेक्षा विकले र स्वागत पार्वता सुनारले गर्नुभएको थियो ।

भेलाले १९ सदस्यीय समता समाजको टोल समिति गठन गरेको छ ।

समितिको अध्यक्षमा पार्वता सुनार, उपाध्यक्षमा हुमबहादुर सुनार, सचिवमा अपेक्षा विक, सहसचिवमा सुनी विक र कोषाध्यक्षमा रेश्मा सामत रहनुभएको छ ।

त्यसैगरी, सदस्यहरूमा चन्द्रकला विक, सीता विक, पुरन सुनार, टोकी विक, सुस्मिता सामत, सरिता सामत, सुनिता विक, लक्ष्मी विक, लीला विक, राजु सामत, जबुना विक, कमला विक, लक्ष्मी सामत र इन्द्रबहादुर विक रहनुभएको छ ।