नेपालगञ्ज । राष्ट्रिय जनमोर्चा, बाँकेको अध्यक्षमा मोमिना खातुन चयन हुनुभएको छ ।

२०८० कात्तिक १८ गते सम्पन्न राजमो बाँकेको चौथो जिल्ला सम्मेलनले खातुनको अध्यक्षतामा नौ पूर्ण, तीन वैकल्पिक र चार जना सल्लाहकार गरी १७ सदस्यीय जिल्ला समिति चयन गरेको छ ।

समितिको उपाध्यक्षमा जगदीश ढकाल, सचिवमा मनबहादुर सुनार र कोषाध्यक्षमा पूर्णकला भन्डारी रहनुभएको छ ।

त्यस्तै, पूर्ण सदस्यहरूमा पर्शुराम लामिछाने, बालाराम न्यौपाने, लोकबहादुर खड्का, माधवा जिसी र कल्पना पौडेल ‘जिज्ञासु’ रहनुभएको छ ।

एवम् प्रकारलले वैकल्पिक सदस्यहरूमा रामप्रसाद चौधरी, रामप्रसाद चमार र निशार खाँ रहनुभएको छ ।

सम्मेलनले कृष्णराज पान्डे, भीमप्रसाद देवकोटा, जोकप्रसाद भण्डारी र माला केसीलाई सल्लाहकारमा चयन गरेको छ ।

कार्यक्रममा लामो समयसम्म पार्टीको नीति, विचार र सिद्धान्तमा सत्तिसाल झैँ अटल रही काम गर्दै आउनुभएका लीलामाया लामिछाने, ऋषिराम लामिछाने र धनबहादुर बस्नेतलाई केन्द्रीय उपाध्यक्ष जनक शर्माले दोसल्ला ओढाएर सम्मान गर्नुभएको सदस्य परशुराम लामिछानेले जानकारी दिनुभएको छ ।

शनिबार कोहलपुरमा भएको सम्मेलनको उद्घाटन केन्द्रीय उपाध्यक्ष जनकराज शर्माले गर्नुभएको थियो ।

लामो समयसम्म पार्टीको नीति, विचार र सिद्धान्तमा सत्तिसाल झैँ अटल रही काम गर्दै आउनुभएका लीलामाया लामिछाने, ऋषिराम लामिछाने र धनबहादुर बस्नेतलाई केन्द्रीय उपाध्यक्ष शर्माले दोसल्ला ओढाएर सम्मान गर्नुभएको नवनिर्वाचित जिल्ला सदस्य परशुराम लामिछानेले जानकारी दिनुभएको छ ।