मंगलबार बिहान सवारी साधन त्रिशूली नदीमा खसेको सूचना पाएपछि गोताखोरसहितको टोलीले खोजी सुरु गरेको थियो।

आज बिहान त्रिशूली नदीमा खसको गाडी फेला परेको छ। इन्डियन नम्बर प्लेटको बोलेरो गाडी गोताखोरको टोलीले फेला पारेको हो।

नदीभित्र डुबेको अवस्थामा गाडी फेला परे पनि यात्रुलाई भने फेला पार्न नसकिएको प्रहरीले जनाएको छ। गाडीसँगै यात्रु पनि नदीमा डुबेको आशंका छ।

सुरुमा एक जना बस चालकले त्रिशूली नदीको बीचमा गाडीको बत्ती बलेको भनेर मुग्लिन प्रहरीलाई जानकारी दिएपछि नेपाल प्रहरी, सशस्त्र प्रहरीको गोताखोर टोली र नेपाल आर्मीको जनशक्ति खोजी कार्यमा जुटेको थियो।