प्युठान राष्ट्रिय जनमोर्चा गौमुखी गाउँसमितिको आयोजनामा कौशिला बिष्टको ९ औं दिनको अवसरमा शोकसभा गरेको छ।
गौमुखी गाउँपालिका ५ न. वडा खुङ निबासी कौशिला बिष्टको लामो उपचारको क्रममा असोज १५ गते आफ्नै घरमा निधन भएको थियो।
खुङका राष्ट्रिय जनमोर्चाबाट निर्वाचित पुर्व वडा सदस्य नर बहादुर बिष्टको धर्मपत्नी बिष्ट ६० वर्षको आल्पआयु उमेरमा निधन भएको परिवारले बताएका छ्न।
बुधबार बिष्टको आफ्नै निवास खुङमा भएको शोकसभामा राष्ट्रिय जनमोर्चा प्युठानका अध्यक्ष ज्ञामुराम न्यौपानेले बिष्ट परिवारले समाजमा पुर्याउनु भएको योगदानको चर्चा गर्दै एक असल ब्यक्ति गुमाउनु पर्दा पार्टी स्तब्ध भएको बताउनु भयो उहाँले मृत्युलाई शक्तिमा बदल्न परिवार तथा सबैमा आग्रह गर्नुभएको थियो। साथै उहाँले बिष्टले घर परिवार र गाउँसमाजमा गरेको सकारात्मक कार्यको समेत चर्चा गर्नुभएको थियोे ।
शोकसभामा राष्ट्रिय जनमोर्चा जिल्ला सल्लाहकार बिदुर मल्ल, नेकपा एमाले लुम्बिनी प्रदेश सदस्य ज्ञानुमाया केसी,५ न. वडा अध्यक्ष बरुणध्वज मल्ल, प्रगतिशील पत्रकार संघका केन्द्रिय सदस्य जुमान सिंह केसी लगाएत पार्टीका कार्यकर्ता, शुभ चिन्तक हरुको उपस्थिति रहेको थियो।
गाउँ समिति अध्यक्ष कर्ण बहादुर कुवरको अध्यक्षतामा सोकसभा सम्पन्न भएको हो।
