✍️ ज्ञामुराम न्यौपाने
प्युठान हिन्दुहरुको सबैभन्दा महान चाहाड दशैंमा आफुभन्दा अग्रजहरुबाट विशेष आशीर्वाद र शुभकामना प्राप्त हुने प्रचलन रहेको छ। यसले पारस्परिक एकता, जीबनको लागि प्रेरणा र उत्साह जगाउने काम गर्दछ। सामाजिक एकता कायम गर्न दशैं तिहार जस्ता चाहाडपर्बले महत्त्वपूर्ण भुमिका खेलेको पाईन्छ।
चाँडपर्बहरुले पुरानो संस्कृतिको प्रतिनिधित्व गर्ने गर्दछन। हरेक चाहाडपर्ब,चालचलन र रितिरिबाजको अद्यावधिक हुनु अनिवार्य हुन्छ। बाराको गडीमाइ लगायत कैयन ठाँउहरुमा हुने सामुहिक बलिप्रथालाइ पुनर्बिचार गर्नुपर्ने देखिन्छ। चाहाडपर्ब भित्ररहेका अन्धबिश्वासको पक्षलाई हटाउदै जीबन उपयोगी पक्षलाई बढाउदै जानु आबस्यक हुन्छ। हामीले मनन गर्नुपर्ने कुरा यो छ कि हरेक समाज, बस्तु जस्तै संस्कृति पनि निरन्तर गतिशील हुने गर्दछन।
आधुनिक मानवजाति सेपियन्सको ७० हजार बर्ष लामो इतिहासलाइ हेर्ने हो भने बर्तमान समयमा मानव जाती धेरै बुद्धिमान,अनेकन प्रबिधिको बिकास र शान्तिपूर्ण जीबनयापन तर्फ निकै अगाडी बढी रहेको छ।
यसै बीच सत्ता र सक्तिको उन्माद बर्तमान विश्व ब्यबस्थाको चुनौतीपुर्ण समस्या हो । पृथ्वीको मध्य पूर्बमा अबस्थित इजरायल आसपासमा चलेको युद्ध र रसीया युक्रेन युद्धले मानवजाति माथी बिपत्ति सृजना गरिएको छ। शक्तिशाली देशहरूको प्रत्यक्ष अप्रत्यक्ष संलग्नतामा भैरहेको बिनाशकारी युद्धले लाखौ मानिसको अनाहकमा ज्यान गइरहेको दु:खद दृश्य हाम्रो सामु खडा छ। युद्धमा कतै आणबिक हतियार प्रयोग हुन्छ कि भन्ने सन्त्रास फैलिरहेको छ। यस युद्धबाट सिङ्गो मानवजाती चिन्तित बनेकोछ।
भरखर हाम्रो देशले बर्षा यामको बाढीपहिरोको बिपत्तिबाट राजधानी आसपास ठुलो जनधनको क्षति ब्यहोर्नु पर्यो। देशको अर्थतन्त्र कमजोर हुँदै गएको छ। बिकास खर्चको तुलनामा चालु खर्च बढेर गएको छ। भ्रष्टाचार, बेरोजगारी, गरीबी र अबिकासले देश आक्रान्त छ।
जस्तोसुकै प्रतिकुलतामा पनि आशावादी रहनु र खराव परिस्थितिको सामाना गर्नु मानवजातिको विशेषता हो। लोकप्रिय चाहाड बडादशै, दिपावली र छ्ठपर्वको नेपाली दाजुभाइ दिदिबहिनी सबैमा हार्दिक शुभकामना ।
लेखक न्यौपाने राष्ट्रिय जनमोर्चा प्युठानका अध्यक्ष समेत हुनुहुन्छ ।
