प्यूठान जिल्ला प्रहरी कार्यालय प्यूठानले मासिक पत्रकार भेटघाटको शुरुवात गरेको छ । सोमबार मासिक पत्रकार भेटघाट आयोजना गरि प्रहरीले पौष महिनामा भएका घटना विवरण सार्वजनिक गरिएको हो ।
जिल्ला प्रहरी कार्यालय प्यूठानका प्रहरी नायव उपरीक्षक दिपेश बस्यालले पौष महिनामा १३ वटा मुद्धा दर्ता भएको जानकारी दिनुभयो । उहाँले पौष महिनामा मात्र ३९० वटा सवारी साधन कारवाहीमा परेको बताउनुभयो ।
कारबाहीबट ४ लाख ८३ हजार राजश्व संकलन भएको बस्यालले जानकारी दिनुभयो ।
प्रहरीले पौष महिना सम्म १ सय १७ वटा सामुदायिक सचेतनाका कार्यक्रम गरेको छ । जिल्लाका ३० वटा युनिटले उक्त अभियान सम्पन्न गरेको प्रहरी प्रमुख बस्यालले बताउनुभयो ।
जिल्लामा सुरक्षा संग जोडिएका सवालमा कार्यालय र पत्रकारबिच छलफल भएको थियो। जिल्ला प्रहरी कार्यालयले नियमित रुपमा मासिक पत्रकार भेटघाट गरि गतिविधि सार्वजनिक गर्ने योजना अनुसार पत्रकार भेटघाट राखिएको जिल्ला प्रहरी कार्यालय प्यूठानले जनाएको छ ।
