प्युठान नसर्ने रोग पहिचान तथा नियन्त्रण सम्बन्धि अभिमुखिकरण कार्यक्रम गौमुखी गाउँपालिकाको सभाहल पुजा लिवासेमा सम्पन्न भएको छ।
स्वस्थ्य कार्यालय प्युठानको आयोजना तथा गौमुखी गाउँपालिकाको समन्वयमा भएको अभिमुखीकरण कार्यक्रममा नसर्ने रोग सम्बन्धि जानकारी गराइएको हो।
फाल्गुन महिनामा देशभरी नसर्ने रोगको पहिचान सहितको अभियान चल्ने भएको छ। सबै स्वस्थ्यचौकी मार्फत सुगर, प्रेसर, युरिन्टेस्ट, शरीरको तौल मापन लगाएतको कार्य संचालन हुने स्वस्थ्य शाखा प्रमुख हरि प्रसाद जैसीले बताउनुभयो।
बिश्वब्यापी रुपमा हेर्नेहो भने धेरै मानिसहरु नसर्ने रोगका कारण मृत्यु हुने गरेको छ।यस्ता बिरामिहरु हरेक वर्ष ४ करोड १० लाखको मृत्यु हुने गरेको तथ्यांक सार्वजनिक गरिएको थियोे ।
नसर्ने रोगको पहिचान र समयमै उपचार नपाउदा मानिस अपाङ्गता समेत हुने अवस्था आउन सक्ने भएकोले सचेतहुन आग्रह गरिएको थियोे ।
नसर्ने रोगका विभिन्न तत्व रहका हुन्छन् धूम्रपान, शारीरिक निष्क्रियता,तनावग्रस्त जीवन,मधापान,वातावरणीय तत्वहरु, स्वस्थ्य सेवाको उपलब्धतामा कमिका कारण रोगलाग्ने गर्द्छ । नसर्ने रोगलाई रोकथाम र न्यूनीकरणका लागि सरोकारवाला सबैले ध्यानदिनपर्ने कार्यक्रममा छलफल भएको थियोे ।
गाउँपालिका उपाध्यक्ष महावीर रानामगरको अध्यक्षतामा भएको कार्यक्रममा गौमुखी गाउँपालिका स्वास्थ्य शाखा प्रमुख हरि प्रसाद जैसीले स्वागत गर्नु भएको थियो।
अभिमुखीकरण कार्यक्रममा स्वास्थ्य कार्यालय प्युठानका कोल्डचेन निरीक्षक कौशल बैध र जनस्वास्थ्य निरीक्षक राजु कुमार खड्काले सहजीकरण गर्नुभएको हो।
मानिसलाई निरोगी गराउन र समयमै सहि उपचारको लागि गाउँसमाजमा सकारात्मक अभियान फैलाउनुपर्ने बताउनु भएकोथियोे ।
कार्यक्रममा जनप्रतिनिधि, संघसंस्थाका प्रतिनिधि र स्वास्थ्य संस्थाका स्वस्थ्यकर्मी हरुको सहभागिता रहेको थियोे ।
