सोमवार, भदौ ९, २०८२

प्यूठानको माण्डवी गाउँपालिकामा दम्पती मृत फेला

प्यूठान माण्डवी गाउँपालिका-२ रातापानीमा एक बृद्ध दम्पत्ति मृत फेला परेका छन । बङ्गलाचुली नजिकै रातापानी लेक स्थित एक घरका दम्पती मृत फेला परेका हुन ।

६० वर्षीय रामबहादुर परियार र ५६ वर्षीया हुकुमा परियार घरको कोठाभित्र मृत अबस्थामा फेला परेको जिल्ला प्रहरी कार्यालय प्यूठानका प्रहरी निरीक्षक केशव केसीले जानकारी दिनुभयो । घटनाको प्रारम्भिक अनुसन्धानमा दुवैको टाउकोमा चोट देखिएको छ ।

घटनाको अनुसन्धानका लागि जिल्ला प्रहरी कार्यालय प्यूठानका प्रहरी प्रमुख प्रहरी नायब उपरीक्षक दिपेश बस्याल र प्रहरी निरीक्षक केशव केसी सहितको अनुसन्धान टोली खटिएको उहाँको भनाइ छ।

घटनाको थप अनुसन्धानका लागि भैरहवाबाट तालिमप्राप्त कुकुर ल्याईदै छ । प्रहरीलाई आज दिउसो साढे १२ बजे मात्र घटनाको जानकारी प्राप्त भएको जिल्ला प्रहरी कार्यालय प्युठानले जनाएको छ।

यो समाचार पढेर तपाईलाई कस्तो लाग्यो ?