प्यूठान गौमुखी गाउँपालिकाका सबै गर्भवतीहरु स्वास्थ्य संस्थामा सुत्केरी भएसंगै गाउँपालिकालाइ ‘जिरो होम डेलिभरी’ पालिका घोषणा गरिएको छ ।
तिन आर्थिक बर्षमा गाउँपालिका सबै गर्भवती माहिला स्वास्थ्य संस्थामा प्रसुति भएसंगै गाउँपालिकालाइ शनिवार पुर्ण संस्थागत प्रसुती सेवा युक्त पालिका घोषणा गरिएको हो ।
आर्थिक बर्ष २०७९/०८० मा ३ सय ३४ जना महिला गर्भवती रहेको गौमुखीमा सबै स्वास्थ्य संस्थामा प्रसुती सेवा लिएका थिए । आ.व. २०८०/०८१ मा २८२ र आ.व. ०८१/०८२ मा २९५ जना गर्भवतीले स्वास्थ्य संस्थाबाट प्रसुती सेवा लिएको गाउँपालिकाका स्वास्थ्य शाखा प्रमुख हरि प्रसाद जैसीले जानकारी दिनुभयो।
आ.व. ०८१/०८२ मा ६८ जनाले स्थानिय स्वास्थ्य संस्थाभन्दा बाहिर अन्य स्वास्थ्य संस्थाबाट प्रसुती सेवा लिएको जैसीले बगाउनुभयो ।आ.व. २०७९/०८० मा १० र आ.व. २०८०/०८१ मा ३ जना गर्भवती घरमा सुत्केरी भएका थिए ।
गौमुखी गाउँपालिकामा ४ पटक गर्भ जाँच, तिन पटक सुत्केरी जाँच लगाएतका मापदण्ड पुरा गर्नेको संख्या ९५ प्रतिशत माथी पुगेसँगै गाउँपालिकालाइ पुर्ण संस्थागत प्रसुती सेवा युक्त पालिका घोषणा गरिएको हो ।
शनिवार गौमुखी गाउँपालिकाकामा भएको कार्यक्रममा गाउँपालिका भित्रका ७ वटै स्वास्थय संस्थालाई घोषणा तथा सुनिश्चितता भएको प्रमाणपत्र प्रदान गरिएको थियो भने जिल्ला प्रजनन स्वास्थय समन्वय समिति प्युठानले गाउँपालिकालाई घोषणा तथा सुनिश्चितताको प्रमाणपत्र प्रदान गरिएको गाउँपालिकाले जनाएको छ।
घोषणा कार्यक्रममा लुम्विनी प्रदेशसभा सदस्य धन लक्ष्मी श्रेष्ठ, जिल्ला समन्वय समिति प्यूठानका प्रमुख धरम बहादुर जि.सी, बिभिन्न राजनैतिकदलका प्रमूख तथा प्रतिनिधी लगाएतको सहभागिता रहेको थियो। कार्यक्रममा बोल्ने वक्ताहरुले अबका दिनमा गुणस्तर तथा दिगोपनामा जोड दिनुपर्ने बताएका थिए।
घोषणा कर्यक्रमको अवसरमा उत्कृष्ट कार्य गरेको भन्दै गाउँपालिकाले स्वास्थय शाखाका हरी प्रसाद जैसी, केशव बाहादुर के.सी र बसन्ता कुवरलाई प्रशंसापत्रले सम्मान गरिएको हो।
गाउँपालिका अध्यक्ष विष्णु कुमार गिरीको अधयक्षतामा भएको कार्यक्रमको स्वागत मन्तव्य उपाध्यय महावीर रानामगरले गर्नुभएको थियो भने संचालन प्रमूख प्रशासकिय अधिकृत तुल्सीराम पौडेलले गर्नूभएको थियो।
