प्युठान मल्लरानी गाउँपालिका ३ न. वडामा रहेको भानुभक्त माध्यामिक बिधालय बर्बोटमा स्वर्ण महोत्सवको (प्रतीक) लोगो एक कार्यक्रमका बीच अनावरण गरिएको छ।
भानुभक्त माध्यमिक बिधालयले बिधालयको ५० औं वार्षिक उत्सवको अबसरमा आगामी मङ्सिर २९ गते देखि मनाउन ललागिएको स्वर्ण महोत्सवको लोगो अनावरण गरेको हो ।
मल्लरानी गाउँपालिकाका अध्यक्ष कृष्ण बहादुर खड्काले डिजिटल प्रोजेक्टर ब्यानरको माध्यमबाट लोगो अनावरण गर्नु भएको हो।
अध्यक्ष खड्काले प्रमुख अतिथिको आशनबाट बोल्दै बिधालयले दक्ष जनशक्ति उत्पादनमा महत्त्वपूर्ण भुमिका निर्वाह गरेको बताउनु भएको छ। उहाँले बिधालयले मनाउन लागेको स्वर्ण महोत्सव भब्य र सभ्य रुपमा सम्पन्न हुने बिश्वास व्यक्त गर्नुभएको थियोे ।
लोगो अनावरण कार्यक्रममा मल्लरानी गाउँपालिकाका संस्थापक अध्यक्ष अमरध्वज रानामगर , मल्लरानी गाउँपालिका ३ न. वडाअध्यक्ष नोमराज पौडेल लगाएतको बिशेष उपस्थिति रहेको थियोे ।
बिधालय ब्याबस्थापन समितिका अध्यक्ष जिबलाल खत्रीको अध्यक्षता रहेको कार्यक्रमको सहजीकरण बिधालयका प्रधानाध्यापक चक्रपाणी पौडेलले गर्नुभएको हो।
कार्यक्रममा बिधालय ब्याबस्थापन समितिका पदाधिकारी, शिक्षक, अभिभावक लगाएतको सहभागीता रहेको बिधालयले जनाएको छ।भानुभक्त माध्यमिक बिधालय २०३२ शालमा स्थापना भएको हो।
