शुक्रबार, फाल्गुन १८, २०८०

भारतका प्रधानमन्त्री मोदिको विरोधमा उत्रिएका १३ जना बंगलादेशिको मृत्यु

बंगलादेशमा मोदीको विरोधमा उत्रिएका १३ जनाको मृत्यु

facebook sharing button
twitter sharing button
sharethis sharing button
भारतका प्रधानमन्त्री नरेन्द्र मोदीको बंगलादेश भ्रमणको विरोधमा प्रदर्शन हुँदा मारिने सर्वसाधारणको संख्या १३ पुगेको छ । अतिवादी धार्मिक समूह हिफाजत ई  ईस्लामले गरेको विरोध प्रदर्शनका क्रममा प्रहरीले गोली चलाउँदा आइतबार थप दुुई जना मारिएका हुन् ।

बंगलादेशको ५० औं स्वतन्त्रता दिवसका अवसरमा मोदीलाई प्रमुख अतिथीका रुपमा निम्त्याइएपछि यो समूह आक्रोशित बनेको थियो ।
भारतमा मुस्लिम समुदायमाथि दमन गर्ने मोदीलाई प्रमुख अतिथीका रुपमा निम्त्याउनुु गलत भएको भन्दै उसले सरकारको विरोधमा प्रदर्शन गरेको हो । प्रदर्शनका क्रममा प्रहरीको गोली लागेर शुक्रबार ५ र शनिबार ६ जनाको मृत्यु भएको थियो ।
१६ करोड ८० लाख जनसंख्या रहेको बंगलादेशमा पछिल्ला दिन धेरै स्थानमा निरन्तर प्रदर्शन भइरहेको छ र यसैक्रममा आइतबार १९ वर्ष र २३ वर्षका दुुई युवा प्रहरीको गोली लागेर मारिएका हुन् ।

‘प्रदर्शनकारीहरुले राजमार्गमा रहेको प्रहरी चौकीमा आक्रमण गरे । उनीहरुले जसलाई घेरा हालेर कम्तिमा ३५ प्रहरीलाई घाइते बनाएपछि प्रहरीले आत्मरक्षाका लागि गोली चलाएको हो,’ प्रहरी प्रवक्ताले भनेका छन् ।

हिफाजतका समर्थक झन्डै ३ हजार प्रदर्शनकारीले राजमार्ग बन्द गरेको र प्रहरीलाई ढुुंगा र ईटाले हिर्काएको उनले जानकारी दिए ।
गृहमन्त्री असजुुद्दामान खानले प्रदर्शन नरोकिए थप कारबाही हुने धम्की दिएका छन् । ‘हाम्रो सुरक्षा फौजले धैर्यताका साथ यसलाई नियालिरहेको छ । यदी, यस्तो अवस्था रोकिएन भने हामी आवश्यक कदम चाल्नेछौं,’ उनले भनेका छन् ।

बंगलादेशले स्वतन्त्रता दिवस मनाइरहदाँ मानवअधिकारवादी समूहहरुले सरकारको आलोचना गरेका छन् । उनीहरुले बंगलादेशमा निरङ्कुशता, बेपत्ता पार्ने कार्य र गैरन्यायिक हत्या बढेको भन्दै चिन्ता व्यक्त गरेका छन् । विद्यार्थी समूह, बामपन्थी र अन्य राजनीतिक समूहहरुले पनि शुक्रबार र शनिबार मोदीको भ्रमणको विरोधमा प्रदर्शन गरेका थिए । एजेन्सी

यो समाचार पढेर तपाईलाई कस्तो लाग्यो ?