प्युठान । ऐरावती गाउँपालिकाको आयोजनामा अपाङ्गता सम्बन्धि पालिका स्तरीय दुईदिने अभिमुखीकरण तथा संजाल गठन कार्यक्रम सम्पन्न भएको छ।
गाउँपालिकाको आर्थिक बर्ष ८१/०८२ को वार्षीक कार्यक्रम अन्तरगत अपाङ्गता भएका ब्यक्ति र सरोकारवालालाई अभिमुखीकरण कार्यक्रम र पालिका स्तरीय अपाङ्गता संजाल गठन गरिएको प्रमुख प्रशासकीय अधिकृत हिमलाल बिश्वकर्माले बताउनुभयो।
ऐरावती गाउँपालिकाको सभाहलमा २ दिन सम्म संचालन गरिएको कार्यक्रमको सहजीकरण राष्ट्रिय अपाङ्ग महासंघ लुम्बिनी प्रदेशका सचिवालय सदस्य जुमान सिंह केसीले गर्नुभएको थियो।
अभिमुखीकरण कार्यक्रममा अपांगता, अपाङ्गताको प्रकार, अपाङ्गता हुने अवस्था र कारण,अपाङ्गता सम्बन्धि बनेका ऐननियम, सेवासुबिधा, अपाङ्गता भएका ब्यक्तिको अवस्था र अपाङ्गता संजाल गठनको उद्येश्य लगायत बिषयमा छलफल भयकाे केसिले बताउनु भयाे ।
कार्यक्रममा सहभागी अपाङ्गता भएका ब्यक्तिले राज्यले प्रदान गर्ने सेवा सुबिधा सहजरुपमा पाउन नसकेको, यातायातमा छुट नपाएको, अपाङ्गता भएका ब्यक्तिको सवालमा सरकार गम्भीरहुन नसकेको गुनासाे गरेका थिए ।
उनिहरुले वडातहमा पुगेर अपाङ्गता भएका ब्यक्तिको प्रत्यक्ष गुनासो, सशक्तीकरणका कार्यक्रम तथा संजाल गठन तथा पहिचान गरि आगामी कार्यक्रम गर्न आग्रह गरे ।
अभिमुखिकरणकाे उद्घाटन कार्यक्रममा बाेल्दै गाउपालिका उपाध्यक्ष कृष्ण प्रसाद श्रेष्ठले अपाङ्गता भएका ब्यक्तिको सवालमा गाउँपालिका साथमा रहेको बताउनु भयो । बजेट तथा याेजनामा आगामी दिनमा विशेष ध्यान दिने उहाकाे भनाई थियाे ।
पालिका स्तरिय अपाङ्गता संजाल गठन
अभिमुखिकरण संगै पालिका स्तरमा हरि गिरिकाे अध्यक्षतामा ९ सदस्यिय अपाङ्गता संजाल गठन गरियकाे छ । जसको उपाध्यक्ष तुल्सिराम बुढामगर, सचीव कमल पाण्डे काेषाध्यक्ष बोमा पौडेल रहनु भएको छ।
कार्यक्रममा वडा अध्यक्ष, कार्यपालिका सदस्य, विभिन्न शाखा प्रमुख र सबै वडाबाट प्रतिनिधित्व हुने गरि अपाङ्गता भएका ब्यक्तिको सहभागिता रहेको महिला बालबालिका शाखा प्रमुख सोम कुमारी दाहालले बताउनुभयो।
