प्युठान १३ फाल्गुन ।
सि बि आर कार्यक्रम अन्तरगत पत्रकार तथा संघ सस्थाका प्रतिनिधिहरुका लागि सि बि आर र अपाङ्गताका सवालमा अभिमुखीकारण कार्यक्रम आज जिल्ला समन्वय समितिको कार्यालय खलंगामा सम्पन्न भएको छ।
मल्लरानी गाउँपालिकाको सहयोग तथा र्राष्ट्रिय अपाङ्ग सेवा संघ प्युठानको आयोजनामा अपाङ्गताका सवालमा जिल्लामा कृयाशिल पत्रकार र नगरिकक संघसस्थाका प्रतिनिधिको सहभागितामा कार्यक्रम गरिएको र्राष्ट्रिय अपाङ्ग सेवा संघ प्युठानले जनाएको छ।
घर परिवार तथा सामाजमा अझै पनि अपाङ्गता भएका ब्यक्ति न्युनतम अधिकार बाट बन्चित र अपहेलना हुने गरेको भन्दै उनिहरुलाई सहयोग, हौसला र अवसरको लागि सरोकारवाला निकायको ध्यान जानू पर्नेमा जोड गरिएको छ।अपाङ्गताको सवाल साझा नहुदा समस्या भएको बुझाई छ।
अपाङ्गत भएका ब्यक्तिका लागि सरकारले विभिन्न नीति नियम निर्देशिका बनाएको भए पनि कार्यनयनमा समस्या देखिएकोले ब्यबहारिक र सहज रुपमा कार्यनयन गर्न सम्बन्धित निकायमा पैरवी गर्न पर्ने सहभागी हरुको भनाइ रहेको थियो।
समाजमा पछाडी पारिएको अपाङ्गता वर्गको विभिन्न सवाललाई प्राथमिकता दिएर सञ्चारको तथा छापाखानाको मध्यमबाट सुसूचित गर्न पत्रकार हरुलाई अनुरोध गरिएको संघका अध्यक्ष जुमान सिंह के सी ले बताउनु भयो।
कार्यक्रममा माल्लरानी गाउँपालिकाका अध्यक्ष अमरध्योज रानामगरले अपाङ्गताको सवालमा गाउँपालिका सजग रहेको भन्दै उनिहरुको हित र बिकासमा सहयोग गर्ने बताउनु भएको थियो।
उपस्थित सहभागीहरुले सबै स्थानीय तहमा जनवकालत, पैरवी गर्न पर्ने सुझाव दिएका थिए ।
अभिमुखिकारण कार्यक्रमको सहजीकरण संघका अध्यक्ष जुमान सिंह के सी, राजेन्द्र रावत क्षत्रिले गर्नु भएको थियो।
