खिमराज चालिसे,
चंडिगढ
१९ मार्च २०२२
भारतको हरियाणा राज्यको भिवानी तोशाम क्रेसर जोन डाडममा कार्यरत तथा १७ मार्च को दुर्घटनामा ज्यान गुमाएका बिमल बलायर वर्ष ४२ को शवलाइ मूलप्रवाह ले मालिकबाट ५९२०० एम्बुलैंस, भाडा तथा सँस्कार समेत विविध खर्च र १ लाख साठि हजार मृतकको पत्नीको खातामा पठाउने गरि दुईलाख उन्नीस हजार दुईसय प्रारम्भिक क्षतीपुर्ती सहित शवको पोस्टमार्टम गरेर परिवारलाइ हस्तान्तरण गरेको छ।
डोटि जिल्ला, शिखर नगर पालिका वार्ड नम्वर १० बनलेख, निवासी टेक बहादुर बलायरको छोरा बिमल बलायर वर्ष ४२ लाइ १७ मार्चको तेज रफ्तार टिप्पर ले मोटर साइकिल ठोक्कर मार्दा गम्भीर घाइते भएका थिए।
उनको लाईफ लाईन अस्पताल हिसारमा उपचारको दौरानमा निधन भएको घोषणा पछि शवलाइ सरकारी अस्पतालमा पोस्टमार्टम को लागि राखि नेपाल मा परिवार संग राष्ट्रिय जनमोर्चाका केन्द्रीय महासचिव मनोज भट्टको विषेश सहयोगमा सम्पर्क गरिएको थियो।
मुल प्रवाह अखिल भारत नेपाली एकता समाज का केन्द्रीय वैकल्पिक सदस्य तारा सोमरे, केन्द्रिय परिषद केहर सिंह घर्ती मगर, हिसार नगर सदस्य सुरेश क्षेत्री, लाल बहादुर चुदाली, बिष्णु गौतम,बिजय बलाल, भिवानी नगर समितिका सदस्य भुवन भण्डारी, चोप बहादुर पान्डे , रामप्रसाद भन्डारी , सामाजिक कार्यकर्ता दिपक बोम ठकुरी लगाएत को उपस्थिति मा शव पोस्टमार्टम गराई मृतकका भाइ भिम बहादुर बलायर तथा परिवारिक सदस्यहरु लाइ हस्तान्तरण गरि नेपाल पठाईएको छ ।
मृतकलाइ प्रारम्भिक खर्च दुईलाख उन्नीस हजार दुई सय नेपाली मालिक संगबाट दिलाए पछि ड्राइवर तथा टिप्पर मालीक विरुद्ध एफआइआर दर्ज गरिएको र थप क्षतीपुर्तीको लागी अदालती कार्यवाही अगाडि बढाउने सहमती भएको हिसारबाट तारा सोमरेले बताउनु भएको छ।
