कमल पौडेल, प्युठान ।
प्युठानको मल्लरानी गाउँपालिकाका सबै वडामा राष्ट्रिय जनमोर्चाले चुनावी भेलाहरु सम्पन्न गरेको छ । आगामी वैशाख ३० गते हुने स्थानीय तह निर्वाचनको तयारीका क्रममा सबै वडामा उत्साहजन भेला भएका हुन् ।
सोही क्रममा गाउँपालिकाको वडा न. ४ को प्रशिक्षण भेला खलंगामा सम्पन्न भएको छ । कार्यक्रमलाई राष्ट्रिय जनमोर्चाका केन्द्रीय सदस्य तथा प्युठान जिल्ला अध्यक्ष कृष्ण खड्का, लुम्बिनी प्रदेश अध्यक्ष बोम बहादुर खत्री, नेता सुरेस थापा, अखिल नेपाल युवक संघका केन्द्रीय सदस्य तथा जिल्ला अध्यक्ष कमल पौडेल, राजमो मल्लरानीका अध्यक्ष सूर्य बहादुर नेपाली, गाउँ पालिका अध्यक्ष अम्मर ध्वज राना र उपाध्यक्ष सरिता जिसि लगायत नेताहरुले प्रशिक्षणात्मक मन्तब्य राख्नु भएको थियो ।
कार्यक्रममा डोर प्रसाद पोखरेलको संयोजकत्वमा ७ सदस्यीय निर्वाचन परिचालन समिति र दामोदर शर्माको संयोजकत्वमा ८७ सदस्यीय प्रचारप्रसार समिति गठन भएको छ ।
नारायण पाण्डेको अध्यक्षता भएको कार्यक्रममा स्वागत मन्तव्य उजेली विक र सञ्चालन दामोदर शर्माले गर्नु भएको थियो।
त्यसैगरी वडा नं २ को भेला कुडारामा सम्पन्न भएको छ । गणेश जिसिको अध्यक्षता तथा राजमो नेता सुरेस थापाको प्रमुख आतिथ्यमा अगाडि बढेको कार्यक्रममा अखिल नेपाल किसान संघका जिल्ला उपाध्यक्ष गिरिराज पौडेल, मल्लरानी गाउँपालिकाका अध्यक्ष अम्मध्वज राना, उपाध्यक्ष सरिता जिसि, अखिल नेपाल युवक संघका केन्द्रीय उपाध्यक्ष हुमलाल नेपाली, युवक संघका केन्द्रीय सदस्य तथा जिल्ला अध्यक्ष कमल पौडेल, २ नं वडा अध्यक्ष लेख बहादुर थापा लगायतले प्रशिक्षत्मक मन्तव्य राख्नु भएको थियोे ।
उक्त कार्यक्रममा लेख बहादुर थापाको संयोजकत्वमा ५ सदस्यीय निर्वाचन परिचालन समिति र जीवन केसीको संयोजकत्वमा १२५ सदस्यीय निर्वाचन परिचालन समिति समेत गठन गरिएको छ ।
जीवन केसीको सञ्चालनमा सम्पन्न कार्यक्रममा सीता पुनले स्वागत गर्नु भएको थियो ।
तेस्तै, चैत २३ गते १ नं वडाको चदुलीमा चुनावी भेला तथा प्रशिक्षण सम्पन्न भएको छ । रुमान केसीको अध्यक्षता मा अगाडि बढेको कार्यक्रममा राजमो केन्द्रीय सदस्य तथा जिल्ला अध्यक्ष कृष्ण बहादुर खड्काको प्रमुख आतिथ्यता रहेको थियोे ।
उक्त सभामा राजमो नेता सुरेस थापा, अखिल नेपाल युवक संघका केन्द्रीय उपाध्यक्ष हुमलाल नेपाली, केन्द्रीय सदस्य तथा जिल्ला अध्यक्ष कमल पौडेल, मल्लरानी गाउँपालिकाका अध्यक्ष अम्मरध्वज राना, उपाध्यक्ष सरिता जिसि, राजमो मल्लरानीका अध्यक्ष सूर्य बहादुर सार्कीले समेत प्रशिक्षणात्मक मन्तव्य राख्दै आगामी वैशाख ३० मा हुन लागिरहेको स्थानीय चुनावमा गिलास चिह्नमा मतदान गरी राजमोका सबै उम्मेदवारहरुलाई विजय गराउन समेत अनुरोध गर्नुभयो ।
कार्यक्रममा कमल पौडेलको संयोजकत्वमा ७ सदस्यीय निर्वाचन परिचालन समिति र सूर्य बहादुर सार्कीको संयोजकत्वमा ११५ सदस्यीय प्रचारप्रसार समिति समेत गठन भएको छ ।
चिन्ता बहादुर राहु मगरको स्वागत मन्तव्यमा अघि बढेको कार्यक्रमलाई वामदेव पौडेलले सञचालन गर्नु भएको थियोे ।
गाउँपालिकाको वडा नं ३ र ५ मा यसअघि नै कार्यक्रम सम्पन्न भएको थियो
