जुमान सिंह केसि ,बैशाख ४, प्युठान , ऐरावती गाउँपालिका -४ प्युठान तिल्केनीका चार घर अग्निपीडित परिवारलाई राहत रकम तथा अन्य सामाग्री वितरण गरिएको छ । हिजो शनिवार दिउसो तिल्केनीका ज्ञानबहादुर गुरुङ, डिलबहादुर गुरुङ , शान्ता गुरुङ र गिरबहादुर खत्रीको घरगोठमा आगलागी भएको हो। आगलागीबाट घरगोठ संगै अन्नपात, लत्ताकपडा , बाख्रा कुखुरा जलेर नस्ट भएको ती परिवारले बताएका छ्न। अग्निपीडित हरुलाई ऐरावती गाउँपालिकाबाट तत्काल राहत स्वरुप खाद्यान्न तथा तत्ताकपडा सामाग्री वितरण गरिएको गाउँपालिकाले जनाएको छ। आइतबार अग्निपीडित परिवारलाई जिल्ला प्रशासन कार्यालय प्युठानबाट प्रति परिवार बीस हजार रुपियाँका दरले राहत रकम प्रदान गरिएको प्रमुख जिल्ला अधिकारी सुनिता नेपालले जानकारी दिनु भएको छ। उहाँले आगलागी भएकै स्थानमा पुगेर उक्त राहत रकम वितरण गरिएको बताउनु भयो। त्यस्तै नेपाल रेडक्रस सोसाइटी जिल्ला शाखा प्युठानले अग्निपीडित परिवारलाइ एक सेट भाडा,लत्ताकपडा , पि म्याट वितरण गरेको छ।