अनुज पछाई , प्यूठान । पछिल्लो समयमा नेकपा माओबादी केन्द्र प्यूठानले टोल कमिटी गठनलाई तिब्रता दिएको छ । नेकपा माओबादी केन्द्र प्यूठानले सञ्चालन गरेको टोल कमिटीमा पार्टि प्रबेश गर्ने ब्यक्तिको लहर पनि निकै देखिएको छ । सनिबार प्यूठान नगरपालिका वडा नं. ३ बिजयनगर स्थित ओखरबोटमा मा पनि वडा कमिटी गठन भएको छ । एकै दिन प्यूठान नगरपालिका वडा नं. ३ का ओखरबोट टोलका ६५ बढी ब्यक्ति माओबादी केन्द्रमा प्रबेश गरेको नेकपा माओबादी केन्द्रका जिल्ला अध्यक्ष प्रकाश अधिकारीले बताएका छन । सनिबार पार्टी प्रबेश गर्नेमा आधिकासं नेकपा एमाले परित्याग गरेर माओबादी केन्द्रमा प्रबेश गरेको नेकपा माओबादी केन्द्र प्यूठानले जनाएको छ ।
प्यूठान नगरपालिका वडा नं. ३ को ओखरबोट. टोलमा अध्यक्ष र सचिब सहित १८५ जनाको उपस्थितिमा गुमानसिंह घर्तीको अध्यक्षतासंगै ६१ सदस्यीय टोल कमिटी गठन गरिएको छ । प्यूठान जिल्लामा अहिले सम्म ३९७ वटा टोल कमिटी गठन भैसकेको नेकपा माओबादी केन्द्रका जिल्ला अध्यक्ष अधिकारीले जानकारी दिए । नेकपा माओबादी केन्द्रमा ०७४ सालयता २६ सय बढी ब्यक्तिहरुले बिभिन्न पार्टी परित्याग गरि माओबादी केन्द्रमा प्रबेश गरेका छन ।
त्यस्तै ऐरावती गाउपालिकाको वडा नंं. ४ मा पनि सनिबार ३० बढी युवाहरु नेपाली काङग्रेस र नेकपा एमाले परित्याग गरि माओबादी केन्द्रमा प्रबेश गरेको नेकपा माओबादी केन्द्र स्रोतले जनाएको छ ।
