अनुज पछाई , प्यूठान । को बन्छ कलाकार ? किङ अफ एक्टिङ,सिङगिङ र डान्सिङको पहिलो छनोट कार्यक्रम प्यूठानमा सकिएको छ । १ लाख रुपैया प्रथम पुरस्कार राशी रहेको को बन्छ कलाकारको पहिलो अडिसन प्यूठानको बाग्दुलामा सनिबार र आइतबार भिगृमा सम्पन्न भएको हो । के एस आर मुभिको आयोजनामा प्यूठान सहित दाङ ,रोल्पा ,सल्यान , कोहलपूर नेपालगञ्ज लगायतका स्थानमा अडिसन गरिने के एस आर मुभिका प्रमुख प्रकाश बस्नेतले जानकारी दिएका छन ।
केएस आर मुभिले कालाकार उत्पादन गर्ने उद्देश्यका साथ कार्यक्रम सञ्चालन गर्न लागेको हो । सनिबार बाग्दुलामा भएको पहिलो अडिसन वा छनोट कार्यक्रममा प्यूठानका बिभिन्न ठाउबाट ४० जना प्रतिसप्रर्धीले सहभागीता जनाएका थिए । त्यस्तै आइतबार भएको भिगृको छनोटमा २० जना सहित प्यूठानबाट ६० जना प्रतिसप्रर्धीले सहभागीता जनाएको आयोजकले जनाएको छ ।
किङ अफ एक्टिङ,सिङगिङ र डान्सिङमा प्रथम पुरस्कारको रुपमा १ लाख नगद अथवा एउटा नेपाली चलचित्रमा अभिनय वा ५ वटा भन्दा बढी म्यूजिक भिडियोमा अभिनय गर्ने अबसर प्रदान गरिने आयोजकले जनाएको छ ।
त्यस्तै दोस्रो हुनेले ६० हजार नगद अथवा एउटा चलचित्रमा अभिनय गर्ने तथा ४ बढी म्युजिक भिडियोमा अभिनयको अबसर रहेको छ ।
त्यसै गरि तेस्रो स्थान प्राप्त गर्ने को लागी नगद रु ४० हजार अथवा एउटा चलचित्रमा अभिनयको अबसर वा २ बढी म्यूजिक भिडीयोमा अभिनय गर्ने अबसर प्रदान गरिने आयोजकले जनाउको छ । त्यस्तै चौथो र पाचौ स्थान प्राप्त गर्ने ब्यक्तिहरुको लागी पनि म्यूजिक भिडियोमा अभिनय गर्ने अबसर प्रदान गरिने आयोजक सस्थाका प्रमुख बस्नेतले बताएका छन । के एस आर मुभिले अहिले नेपाली कथानत चलचित्र बिटालु ,क. सुर्यराजा ,रमझम लगायतका चलचित्र निर्माण गरिरहेको छ । त्यस्तै क्राइम एक्स र टुप्पि जस्ता टेली श्रीङखला पनि निर्माण गर्दै आएको छ ।