अनुज पछाई , प्यूठान । मल्लरानी गाउपालिका प्यूठानका अध्यक्ष र प्रमुख प्रशासकिय अधिकृत लाई नेकपा प्यूठानका कार्यकर्ताले कालो मोसो दलेका छन । आइतबार मल्लरानी गाउपालिकाको वडा नं. ५ मा बिद्यालयको पठन पनठनको बारेमा छलफलमा रहेको बेला एक्कासी आफुमाथी कालोमोसो दलेको मल्लरानी गाउपालिकाका प्रमुख प्रशासकिय अधिकृत बालकृष्ण थापाले जानकारी दिएका छन । थापाका अनुसार स्थानीय गोपीलाल सुनार, होम बहादुर मल्ल सहितको यूवाको समूहले अभद्र व्यवहार गरेका हुन् । घटनास्थलमा प्रहरी पुगेको प्रमुख जिल्ला अधिकारी खिमराज भुसालले बताए ।