अनुज पछाई , प्यूठान । नेपाल दलित संघ लुम्बिनी प्रदेशको प्रथम अधिबेशन प्इूठानको स्वर्गद्धारी नगरपालिका भिगृमा सनिबार सम्पन्न भएको छ । अधिबेशनले लुम्बिनी प्रदेशको नेपाल दलित संघ को नयाँ कानर्यसमिति पनि चयन गरेको छ । निर्बाचन प्रणालीबाट छनोट भएको कार्यसमितिको अध्यक्षमा दाङका जोगेन्द्र विश्वकर्मा निर्वाचित भएका छन । सनिबार भएको प्रदेश कार्यसमितिको निर्वाचनमा विश्वकर्माको प्यानल निर्वाचित भएको निर्वाचन अधिकृत तोजिन्द्र बहादुर विकले जानकारी दिएका छन ।
प्रदेश कार्यसमितिको महिला उपाध्यक्षमा उर्मिला ताम्राकार, उपाध्यक्ष खुल्लामा मोलहे आर्य धोबी र बब्लु रैदास निर्वाचित भएका छन । त्यस्तै सचिवमा मोहन प्रसाद विश्वकर्मा, सहसचिवमा खेमराज सेन्चुरी, महिला सदस्यमा धनसरा सुनार,रेखा नेपाली, लक्ष्मीदेबि सुनार, परमसिला हरिजन, सपना विक खुल्ला सदस्यमा प्रेम बहादुर सुनार, करिम धोबी, रामदास चमार, इश्वरी सुनार र जयकरन प्रसाद पासी निर्वाचित भएका छन ।
विश्वकर्माले ४२ र सुनारले ३५ मत प्राप्त गरेका थिए । त्यस्तै महिला उपाध्यक्षका उम्मेदवार लिला नेपालीले ३० उर्मिला तम्राकारले ४५, सचिव पदका उम्मेदवार प्रीतम परियार ३२, मोहन प्रसाद विश्वकर्मा ४३, सहसचिव पदका उम्मेदवार अनिलकुमार सुनार ३६ र खेमराज विश्वकर्मा सेन्चुरीले ३९ मत प्राप्त गरेका थिए ।