अनुज पछाई , प्यूठान । नेपाल कम्युनिस्ट पार्टी (माओवादी केन्द्र) प्यूठान नगर समितिको राजनैतिक तथा बैचारिक प्रशिक्षण कार्यक्रम मंगलबार सम्पन्न भएको छ । प्रशिक्षणमा राष्ट्रिय तथा जिल्ला स्थित नेताहरुको सहभागीता रहेको थियो । कार्यक्रममा नेकपा (माओबादी केन्द्र ) का केन्द्रीय सदस्य तथा लुम्बिनी प्रदेश कमिटी का सह ईन्चार्ज जोख वहादुर महरा, नेकपा (माओबादी केन्द्र ) केन्द्रीय कमिटी सदस्य तथा पूर्व सामान्य तथा प्रशासन मन्त्रि रेखा शर्मा ,केन्द्रीय सदस्य तथा प्युठान जिल्ला ईन्चार्ज नारायण प्रसाद अघिकारी , लुम्बिनी प्रदेस कमिटी सचिव कृष्ण अघिकारि, माओबादी केन्द्र लुम्बिनी प्रदेश कमिटी सदस्य तथा प्युठान जिल्ला सम्योजक पित वहादुर महतरा ,नेकपा माओबादी केन्द्र प्यूठान नगरपालिकाका इन्चार्ज कृष्ण घिमिरे झपेन्द्र लगायत प्रभात केसी , विश्वबन्धु थापा , नरेश्वर लम्साल ,छविलाल पण्डितको सहभागिता रहेको थियो ।
प्रशिक्षणको क्रममा प्रशिक्षण दिदै प्रमुख अतिथी केन्द्रिय कमिटी सदस्य महराले जनयुद्ध र जनआन्दोलनबाट प्राप्त उपलब्धि संबिधानमा उल्लेख्य भएपनि कार्यान्वयन नभएको बताउदै प्राप्त उपलब्धिलाई कार्यान्वयन गर्न माओबादी केन्द्रलाई विजयी गराउनुपर्ने बताएका थिए ।
त्यस्तै बिषेश अतिथीको रुपमा सहभागी माओबादी केन्द्रकी नेतृ रेखा शर्माले महिलाको अधिकार ,दलितको अधिकार सुनिश्चित गर्न माओबादीको जित हुनुपर्ने बताएकी छिन ।
नेकपा माओबादी केन्द्र प्यूठान नगरपालिकाका नगरकमिटीका अध्यक्ष विष्णु योगीको अध्यक्षता संगै सुरु भएको कार्यक्रममा प्यूठान नगरपालिका १० ओटै वडाका प्रतिनिधिले प्रगति प्रतिबेदन प्रस्तुत गरेका थिए । त्यस्तै उक्त प्रशिक्षण कार्यक्रममा प्यूठान नगरपालिकाका बिभिन्न ठाउँबाट नेकपा एमाले , नेपाली काङग्रेस तथा अन्य पार्टी परित्याग गरि करिब १ सय बढी कार्यकर्ता माओबादी केन्द्रमा प्रबेश गरेका छन ।
