रिसव आचार्य कपिलवस्तु ।राष्ट्रिय भुमि ( सुकुम्बासी समस्या समाधान )आयोग कपिलवस्तुको अध्यक्षमा शिव पौडेल नियुक्त हुनुभएको छ । बिहीबार बिहान बसेकाे मन्त्रीपरिषद्को बैठक ले कपिलवस्तु सहित ४३ वटा जिल्लामा अध्यक्ष नियुक्ति गरेको हो ।
यस भन्दा अघि सरकारले २८ जिल्लाका अध्यक्ष नियुक्त गरिसकेको छ ।अब ६ जिल्लामा मात्र भुमि आयोग गठन गर्न बाकी रहेको छ । १७ गते अर्थात हिजो बिहान नियुक्त भएका ४३ जिल्लाका अध्यक्ष ले हिजो नै पद तथा गोपनियताको सपथ लिएका छन् । भुमि व्यवस्था तथा सहकारी मन्त्री रेणु कुमारी यादवको उपस्थितिमा आयोगका अध्यक्षले सपथ खुवाएका थिए ।
कपिलवस्तुको अध्यक्षमा नियुक्त पौडेल राष्ट्रिय जनमोर्चा निकट अखिल नेपाल किसान महासंघका केन्द्रीय उपाध्यक्ष हुन् । उनलाई कपिलवस्तुमा किसान का नेता भनेर समेत चिन्ने गरेको पाईन्छ ।
