जुमान सिंह के सी,
चैत्र, २२ प्युठान
प्युठानमा नया प्रमुख जिल्ला अधिकारी को आगमन भएको छ।
प्युठान जिल्लाका पत्रकार संग मंगलबार प्यूठानका प्रमुख जिल्ला अधिकारी सुनिता नेपालले परिचयत्मक भेटघाट कार्यक्रमको आयोजना गर्नु भएको छ।
जिल्लामा बजार अनुगमन, जल्दाबल्दा समस्यामा ध्यान दिने पनि बताउनु भएको छ।प्रजिअ नेपालले जिल्लाका हरेक समस्यामा पत्रकारहरु संग सहकार्य तथा समन्वय गरी अगाडी बढ्ने बताउनु भएको हो। सत्यतथ्य समाचार सम्प्रेषण गर्न पनि पत्रकारहरुलाई आग्रह गर्नु भएको छ।
राम्रो कामको प्रचार र केहीकतै कमजोरी भएमा सुझाव दिन समेत अनुरोध गर्नु भएको छ।
नेपाल प्यूठानमा ४१ औ प्रमुख जिल्ला अधिकारीको रुपमा आउनु भएको हो भने महिला प्रमुख जिल्ला अधिकारीको रुपमा उहाँ पहिलो हुनुहुन्छ।
नेपाललाई प्यूठानमा पहिलो पटक सहसचिव प्रजिअको रुपमा खटाइएको छ।
जिल्लामा पेट्रोलियम पदार्थ, सुशासन , बजारमा भएका महङ्गी जस्ता कुराहरुलाई प्राथमिकतामा राख्न पत्रकारहरुले शुझाव राखेका थिए ।
पत्रकार महासंघ प्यूठानका अध्यक्ष संजय रिजाल लगाएतका पत्रकार हरुको उपस्थितिमा प्रजिअलाई स्वागत पनि गरिएको छ।
