दीपेन्द्र सुनार, प्युठान चैत २३ ने.क.पा एमाले झिमरुक गाउँपालिका कमिटीद्रारा प्रकाशित नयाँ बर्ष २०७९ सालको भितेपात्रो विमोचन कार्यक्रम सम्पन्न भएको छ।
मंगलबार ने.क.पा. एमाले झिमरुक गाउँपालिकाको पार्टी कार्यलय मच्छी प्युठान मा सम्पन्न भएको उक्त कार्यक्रममा ने.क.पा. एमालेका केन्द्रिय पोलिटब्युरो सदस्य एवम प्युठान जिल्ला इन्चार्ज सुर्य थापाले वि.स. २०७९ सालको भितेपात्रो विमोचन गर्नुभएको थियो।
कार्यक्रम को प्रमुख अथिती समेत रहनुभएका सुर्य थापाले ने.क.पा. एमाले झिम्रुक गाउँकमिटी द्रारा प्रकाशन गरेको नयाँ सालको पात्रोमा नेपालबाट गायब भएको चुच्चे नक्सा मुख्यतया यो पात्रोमा समावेश गरिएको बताउनुभएको छ। साथै अहिलेका प्रधानमन्त्री शेर बहादुर देउवा भारत भ्रमण गएको बेला भारतका प्रधानमन्त्री नरेन्द्र मोदीले चुच्चे नभएको नक्सा सार्बजनिक गर्दा नेपालका प्रधानमन्त्री देउवा यसबारे बिरोध गर्नु को साठो उल्टै भारतका प्रधानमन्त्री मोदी सामु निर्या बनेकोमा यसप्रति सिङगो ने.क.पा. एमालेले आपत्ति समेत प्रकट गरेको थापाको भनाइ रहेको छ।
ने.क.पा. एमाले झिम्रुक गाउँकमिटी अध्यक्ष इन्द्रमणी पोख्रेल को अध्यक्षता रहेको कार्यक्रममा ने.क.पा. एमालेका केन्द्रिय पोलिटब्युरो सदस्य तथा प्युठान जिल्ला इन्चार्ज सुर्य थापाको प्रमुख आतिथ्यता , एमाले केन्द्रिय सदस्य एवम् प्युठान जिल्ला सहइन्चार्ज हरिप्रसाद रिजाल को विशेष आतिथ्यता रहेको कार्यक्रम मा एमाले प्युठान जिल्ला अध्यक्ष विजय विराज बिष्ट , एमाले प्रदेश कमिटी सदस्यहरु क्रमशः मान बहादुर जि.सि., तुलसीराम शर्मा , मोहन बहादुर जि.सि. ,बिस्णु प्रसाद शर्मा पोख्रेल एमाले जिल्ला कमिटी सदस्यहरू क्रमश नेत्रमान गिरी, मेघ बहादुर नेपाली त्यस्तै नेपाल उत्पीडित जातीय मुक्ती समाजका प्युठान जिल्ला अध्यक्ष निम बहादुर सुनार , एमाले प्युठान जिल्ला कमिटी सदस्य एवम् झिम्रुक गाउँपालिका सहइन्चार्ज ददिराम पोख्रेल लगायतका नेता कार्यकर्ताहरु उपस्थिति रहेको कार्यक्रम को संन्चालन एमाले झिम्रुक गाउँपालिकाका गाउँकमिटी पार्टी सचिब धुर्ब्रराज खनालले गर्नुभएको थियो।
