राजमोका उम्मेदवार कृष्ण बहादुर खड्का ३ हजार २३८ मतसहित विजयी भएका हुन्। उनका निकटम प्रतिद्वन्द्वी एमालेका शिवराज रिजालले २ हजार ८०२ मत प्राप्त गरे।
गाउँपालिकामा राजमोको नेतृत्वको गठबन्धन विजयी भएको हो।
उपाध्यक्षमा गठबन्धनकै नेपाली कांग्रेसका रमेश श्रेष्ठ ३ हजार ७० मतसहित विजयी भए। उनका निकटतम प्रतिद्वन्द्वी एमालेका ईश्वरा आचार्यले २ हजार ८०० मत प्राप्त गरिन्।
सोमबार बिहान घोषित अन्तिम मतपरिणाम अनुसार वडा न। १ र २ मा राजमो नेतृत्वको गठबन्धन, ३ मा एमाले तथा ४ र ५ मा नेपाली कांग्रेस नेतृत्वको गठबन्धन विजयी भएका छन्।
वडा नं. १ को वडाअध्यक्षमा राजमोका चिन्त बहादुर राहु र २ मा राजमोकै लेख बहादुर थापा प्यानलसहित विजयी भए।
वडा नं. ३ मा एमालेका नोमराज पौडेल विजयी भए। सो वडामा अध्यक्षबाहेक ४ जना सदस्य राजमोले जितेको छ।
वडा नं. वडा नं. ४ मा नेपाली कांग्रेसका कुमार श्रेष्ठ र ५ मा कांग्रेसकै गोपाल थापा विजयी भएका छन्।