ढण्डिराज सर्मा  पौडेल

पशुपति शर्माको गीत“लुच्न सके लुट कान्छा लुट्न सके लुट,अरू देशमा पाईदैन नेपाल मै हो छुट॥”२५/२५ जना निहत्था नागरिकलाई जिऊदै ईटाभट्टामा हालेर पोल्नेलाई मंत्री बनाउने देश,दिउसै खुकुरीले मान्छे छप्काएर मार्नेलाई उन्मुक्ति दिने देश,साक्षात वलात्कारीलाई नदेख्ने देश,सियो देख्ने क्विन्टल नदेख्नेदेश,भ्रष्टाचार मात्र देख्ने,सुसासन नदेख्ने देश,नेपालीलखेट्ने,विदेशी वोलाउने देश,आफ्नालाई भन्दा पराईलाई मायॅा गर्ने देश।देशको संपत्ति परदेशलाई बुझाऊने देश।न्याय हराएको देश॥सारा युवा विदेश पलायन छन,देश वृदधाश्रममा परिणत भएकोछ।ऊजाड जमिनमा वॅादर राज छ।मसानघाटमा नेताको नाच छ।सुनको थालीमा सुकी माग्ने होडवाजी छ।फुक्ला भाषण मात्रछ,प्रदेशीको राशन छ।ऊद्योग,पेशा,व्यवसाय थला परेका छन,चौपट भएका छन।भाडा तिर्न नसकेर,खर्च धान्न नसकेर सटरहरू धमाधम बन्द हॅुदै छन।भाडा तिर्ने पीरले व्यवसायी न दिनको सुख,न रातको नींद भएका छन।निद्रा हराम छ।छटपटी छ।ऊपाय विहीन भएर पुन्पुरोमा हात छ।मुश्किलको सास फेर्न वाध्य छ।राज्य मुकदर्शक छ ,ऊदासीन छ।’लाटीले केरा हेरे जस्तै’मानौं यो उस्को काम हैन,उस्को जिम्मेवारी हैन।भ्रष्टाचारको पैसा तल देखि माथि सेकेन्डभरमा पुग्छ,माथिवाट तल दिनुपर्ने सुसासन जिन्दगी भर पुग्दैन,कुकर्महरू क्षणभरमा पुराईन्छ।माथिको भ्रष्टाचारको रोग क्यान्सर बनेर तल पींध सम्म पुगेकोछ।वच्चाका हातमा छुरी दिंदा के हुन्छ?त्यस्तै भएको छ,स्थानिय पालीका!आज यीनीहरूले चलाएको छुरी ऊद्योगी,व्यवसायीको मुटुमा रोपिएको छ,कलेजोमा रोपिएको छ।अंग प्रत्यंग क्षत विक्षत भएको छ।थलिएका व्यवसायीवाट करको नाममा लुटेर मोज मस्तीमा रमाएका छन।तलव,भत्ता पचाएका छन।गाडी,घोडा,मटरसाईकल,’नाफाको धन,फुपुको श्राद्ध’चरीतार्थ छ।घर भित्रको अॅध्यारो चौकीको समेत घर वहालको नाममा अशुलिएको हुन्छ!अनेकौ किसिमका कर लादेर वजेटको नाममा लुटतन्त्र मच्चाईएको छ।हलो माथि मुग्रो ,गोरूलाई त्यसै त हलो जोताईको भार,ऊसैमा मुग्राको मार कस्तो होला?तावा वाट फुत्केको माछा भुंग्रोमा ।ऊद्योगी,व्यापारी,व्यवसायीको हालत वेहाल छ।जनताको पालीका हो भने न्याय गर।स्थानिय करमा ५०% छुट देऊ,घर वहाल घटाऊन पहल गर।व्यवसायीको घाऊमा मलमपट्टि लगाऊ।हैन भने”लुट्न सके लुट कान्छा लुट्न सके लुट,अरू देशमा पाईंदैन नेपालमै हो छुट”