बिन बहादुर रेग्मी
हुन त यो जाडो मौसममा खिचडी पकाएर खान मन सबैलाई लाग्छ। खिचडी पकाएर खाने कुरा नराम्रो पनि होइन तर देश बनाउने बचाउने भनेर जनताबाट निर्वाचित जनप्रतिनिधिहरु खिचडी पकाएर खाने मा व्यस्त हुनु देशको लागि दुर्भाग्य काे कुरा हो।
संसारमा कहीं कतै कसैकाे गुलाम नभएको देश नेपाल आज विश्वकै गरिब देशको सूचीमा छ। गल्ली गल्ली गाँउ पाखा पखेरा खोला खोल्सा मा देवी देवताको बास भाको मेरो देश आज बेरोजगारी गरिबीमा छट्पटाई रहेको छ। वीर साहसी वहादुर नेपाली आमाका सन्तान पेट पाल्नकै लागि संसारको कुना कुनामा दयनिय जिवन गुजार्न बाध्य छन्। एउटा सानो न्यानो घर बनाउन घर छोडनु परेको छ।
जहान परिवार बालबच्चा सँग खुशी साट्न गाउँ घर शहर छोड्नु परेको छ। गाउँमा गोरु मर्यो भने लतारेर फाल्ने मान्छे छैन, गाउँका खेत बारी बाँझै छन। शहरका आलिशान महलमा बस्ने देखि झुपडीमा बस्नेहरू नुन तेल आलु टमाटर रासन किन्न इन्डियाको बोर्डरमा जान्छन्। देशको सीमा मिचिएको छ, भ्रष्टाचार कालाबजारी मौलाएको छ, उद्योगधन्दा कलकारखाना बन्द छन्। नेपाली अर्थतन्त्र भारतिय माडेहरुको हातमा छ। यस्को निकास के हो? आज आम सर्वसाधारण जनताको मनमा उब्जिएको चिन्ताको विषय हो यो। ठूल्ठूला आदर्श नीति सिदान्त कण्ठ पारेका, जेलनेल भोगेका , पाका नेताहरु, राजनीतिज्ञहरु लाई यो थाहाँ न भएको हो र? राणा राजा पञ्चायतले गरेन बनेर ठूल्ठूला जनआन्दोलन गरेका यि नेताहरुको बुद्धि के भयो? वैदेशिक रोजगार काे नाउँमा देश बनाउने जनशक्ति बेचेर रेमिटेन्सको भरमा जीउ पाल्ने यस्तो कुबुद्धि कहाँ बाट पलायो? के अब श्रीलंकामा झैँ घर घेरेर मन्त्रि नेता कुट्नु पर्ने हो?
जनता बाट निर्वाचित भएका जनप्रतिनिधि जनउत्तरदायी हुनैपर्छ। राणा राजा पञ्चायतले गर्न नसकेका देश विकासका काम गर्नै पर्छ। सर्वप्रथम त संघीयता खारेज गरेर आवस्यकता अनुसार स्थानिय स्वशासन सहितको विकेन्द्रीकरण सहितको एकात्मक व्यवस्था लागू गरिनु पर्छ।
भ्रस्टाचार कालाबजारी महंगी नियन्त्रण सम्बन्धी कडा र प्रभावशाली कानुन बनाउनु पर्छ। वैदेशिक रोजगारीमा जाने सिस्टम पूर्ण रूपमा बन्द गरेर देश भित्रै रोजगारीको अवसर सृजना गरिनु पर्छ। देश बनाउने बचाउने आन्दोलन मा जनसहभागिता जुटाउन नि शुल्क श्रम सिभिर चलाउनु पर्छ, कर्मचारी ब्यापारी उद्योगपति प्रहरी सेना बाट निम्नतम शुल्क देश बनाउने बचाउने आन्दोलन कोषमा जम्मा गराउनु पर्छ। भ्रस्टाचार कालाबजारी घुसखोरी दलाल बाट कब्जा गरिएका अकुत सम्पत्ति धन राज्यको कोषमा गाभिनु पर्छ। शिक्षा स्वास्थ्य खानेपानी बिजुली राज्य द्वारा निःशुल्क गरिनु पर्छ। सबै सँग समान ब्यबहार हुनुपर्छ।
जननिर्वाचित प्रतिनिधिलाई भत्ता तनखा दिनु हुदैन। चुनावमा अनलाईन प्रचार बाहेक होहल्ला पैसा भोज भतेर प्रलोभन गर्न दिनु हुदैन। यसरि नयाँ ढंगले सरकार अगाडि बढ्नु पर्छ भन्ने जनचाहना हो तर कुर्चीको खेलमा हिँजो देखि बालुवाटारमा खिचडी पाकदैछ भन्ने गाईगुँई सुनियो। साएद यो लेख प्रकाशन हुँदा सम्म नयाँ गठबंधन आलोपालो प्रजातंत्र काे नाउँमा समाचार बाहिरी सकेको हुनेछ। सत्ता भागवण्डामा नयाँ समीकरण ले पूर्णता पाइसकेको हुनेछ। जुन जोगी आए पनि कानै चिरिएका, देश र जनताको हितमा गर्ने यिनले केहि होइनन। आखिरी निमुखा जनतालाई सधैं सास्ती।
मैले भनिसके भोलिको दिनमा यसरि दबिएका निसासिएका पिल्सिएर छट्पटाई रहेका जनता देश र जनताको लागि टाउकामा कफन बाँधेर श्रीलंकामा झैँ घर घरमा पुगेर नेता मन्त्री लाई घेरा हालेर धुलाई गरें भनें अनौठो मान्नु पर्ने छैन। बेलैमा होस् गर सत्ताधारी दलका नेता मन्त्री ले। आफ्नो खुट्टामा आफै बन्चरो हान्ने काम नगर बालुवाटारमा खिचडी पकाएर…!
