माधव  केसी

रवि लामिछाने सबैले सुनेको नाम,चिनेको अनुहार,मनपराएको,आशा गरेको,सम्पूर्ण नेपालीको मन मस्तिष्कमा बस्न सफल मान्छे हुन। जतिबेला उनी एक कार्यक्रम प्रस्तोताको रुपमा टेलिभिजनमा काम गर्दथे त्यसबेला उनी सबैको भरोसाको केन्द्रका रुपमा चिनिन्थे। देशभित्र रहेका र देश बाहिर रहेका सबैको आशा रवि नै थिय। अफ्ट्यारो पर्दा कम्तिमा हामी रविको मा पुग्यौं भने हाम्रा अफ्ट्यारा हाम्रा समस्या सुनुवाइ हुन्छन् समाधान हुन्छन् भन्ने विश्वास थियो।

उनले News 24 बाट चलाउने कार्यक्रम सिधा कुरा जनतासँगको कार्यक्रम निकै नै लोकप्रिय रह्यो उनको हरेक Episode नछुटाई हेर्नेहरु हजारौं लाखौं थिय। म गाउँघर तिर जादा देख्थे गाउँका आमाहरूले आफ्नो काम छिटोछिटो भ्याएर रविको कार्यक्रम हेर्न टिभी अगाडि गएर बस्नुहुन्थ्यो उनको र उनले चलाउने कार्यक्रम सिधा कुरा जनता संगको चर्चा नहुने ठाउँ नै थिएन। तेसो हुनुमा उनको प्रश्न गर्ने शैली नेताहरू प्रतिको कटाक्ष विदेशमा अलपत्र परेर बसेका हाम्रा दाजुभाइलाई राज्यले गर्न नसकेको ठाउँमा पुगेर गरेको सहयोग जस्ता धेरै कुराहरूले मानिसहरु धेरैले राज्य नै रवि हो प्रहरी नै रवि हो अदालत नै रवि हो न्यायाधीश नै रवि हो भन्ने जसरी बुझ्दथे।

रवि पनि आफुलाई तेसैगरी यहाँ न त सरकार छ न त अदालत छ न त प्रहरी छ तर सबैको छोरो दाइ भाइ रवि छ भन्ने हिसाबले उनले आफुलाई घुमाउरो हिसाबले प्रस्तुत गर्दथे र मानिसलाई पनि त्यहीँ नै होला भन्ने लाग्दथ्यो किनकि सरकारले गरेको केही नसुनिने तर रविले गरेको चर्चा जताततै सुनिन्थ्यो जे होस् उनले नेपालीको मन जितेका थिय। पछिल्लो समय दलहरूकै आफ्नै कारणले राजनितीक दलहरू प्रतिको असन्तुष्टि बढ्दो थियो मानिसले कही न कही विकल्प खोजेका थिय।रविको भित्री चाहना पनि जनताको मन जितेर राजनीतिमा आउने थियो होला।लाग्छ उनी यस्तै कुनै उपयुक्त समयको प्रखाईमा थिय।

जब स्थानीय चुनाव सुरु भयो स्थानीय चुनावमा विषेश गरि काठमाडौंका जनताले रोजेको विकल्प देखेर रविले बुझेकी अब राजनीतिमा आउने उपयुक्त समय यहीँ नै हो। जनता दलहरुबाट दिक्क परेको दलहरूको विकल्प खोजेको जस्ता कुराहरुको प्रमाण काठमाडौं, धरान, धनगढी जस्ता केही ठाउँले दिएपछि चलाख रविले हतास हतास असन्तुष्टिलाई अवसरमा परिणत गर्ने सोचे र त्यसमाथि पनि स्वतन्त्रहरु प्रतिको जनलहरलाई Catch गर्न प्रभावित पार्ने गरि स्वतन्त्र पार्टी खोले। जब उनलाई स्वतन्त्र पार्टी खोले र राजनीतिमा आए या राजनीतिमा आउने निर्णय संगै पार्टीको नाम स्वतन्त्र राख्ने निर्णय गरे बौद्धिक तहमा उनले रोजेको पार्टीको नामलाई लिएर विवाद अथवा रविको राजनीतिमा प्रश्नहरु उठ्न थाले।

हामीलाई त्यतिबेला लागेको थियो रवि चण्डाल र चोरी दिमाग भएका मान्छे हुन किनकि उनले पार्टीको नाम स्वतन्त्र राख्नुमा अरु कारण केही नभई स्वतन्त्र प्रति देखिएको लहरलाई स्वतन्त्र नाम दिएर जनतालाई आफू पनि स्वतन्त्र भएको जसरी भ्रमित पार्ने र भोट आफ्नो पोल्टामा पार्ने ।यतिमात्र नभै पछि उनको पार्टीको आफ्नै कारणले गर्दा उनले प्रदेशमा आफ्ना उम्मेदवार उठाउन पाएनन् तर जनस्तरमा आफु संघीयता बिरोधि भएजसरी हल्ला फैलाए प्रदेश प्रति जनतामा देखिएको वितृष्णालाई उनले Catch गरे तर पछी संघीयता सम्बन्धी सोधियको प्रश्नको अस्पष्ट जवाफ दिएर भागे उनि संघीयतावादी हुन या विरोधी हुन जनतालाई प्रष्ट पारेनन्।।

मलाई लाग्छ उनले जनतालाई पार्टीका शैद्दान्तिक र नितिगत बिषयमा पनि ढाटी रहेका छन्। राजनीतिमा यस्ता कुराहरु प्रष्ट हुनुपर्छ। चुनाव नजिकिँदै थियो रविका लागि धेरै काम गर्नुपर्ने थियो समय कम थियो यति हुदै गर्दा पनि गठन भएको ६ महिनामै उनको पार्टी राष्ट्रिय स्वतन्त्र पार्टीले सायद मलाई लाग्छ रवि दाईले सोचेको भन्दा पनि राम्रो नतिजा हात पर्यो। धेरैलाई चकित तुल्यायो। पुराना र ठुला दलबाट दिक्क परेका जनतामा ठुलो हौसला देखिन्थ्यो, विदेशमा बस्ने हाम्रो नेपाली दाजुभाइको खुसीको सिमा थिएन ठुला र पुराना दलहरू पनि जनताले रोजेको विकल्प र हिजो देखि रविको लोकप्रियतालाई देखेर तर्सीयका थिय धेरै युवाहरु रविको पार्टीमा जोडिनलाई लालायित थिए।

बुद्धिजीवीहरुले जनताको निर्णय र छोटो समयमा रविको चमत्कारीक सफलता देखेर प्रसंसा गरेका थिए अब केही हुन्छ कि भन्ने आशा नेपाली जनतामा ६४ पछि दोस्रोपटक देखिएको थियो। तर त्यो आशा पनि विस्तारै निराशा मा बदलिँने क्रम चलिरहेको छ। नेपाली जनताको चाहना थियो उनी प्रतिपक्षमा बस्छन् र नेपाली जनताको आवाज बोल्ने छन्।रचनात्मक प्रतिपक्षको भुमिका निर्वाह गर्ने छन्। उनले आफैं घोषणा गरेका ३ बाहरुको खेदो खन्ने छन्। तर जनताको चाहना विपरीत सत्तामा जानको लागि बाहरु जता जता दौडन्छन उतै दौडन सुरु गरे।

सरकारमा पहिलो पटक उपप्रधानमन्त्री सहित गृहमन्त्री खाएर छोटो समयमा बनेको पार्टीको अर्को चमत्कार त उनले देखाए तर जनताले सोचे जसरी उनी त्यहाँ बोल्न हिड्न देखिन सकेनन् बरु ओलि बा र नानीका बा ले जहाँ उठबस गराउछन् त्यहीँ उठबस गर्न सुरु गरे प्रतिपक्ष सांसदले गरेका प्रश्नहरुको उचित र जनतालाई चित्तबुझ्दो जवाफ पहिलो पटक त्यतिबेला दिन सकेनन् जनताका उनी प्रति निराशा बढ्दो थियो आशा निराशामा बदलिन थालेको थियो। बिरोधका स्वर बढ्दो थिए तर उनले आफैं नै ठिक भए जसरी आफूलाई प्रस्तुत गरिरहन्थे जनतालाई मलाई गलत भन्ने होइन भन्ने जसरी प्रस्तुत हुन्थे।

उनले जानीजानी लुकाएर राखेको नागरिकताको कुरा बाहिर आयो अदालतले दोषी प्रमाणीत गर्दै उनले प्राप्त गरेका सबै पद गुमाउन पुगे त्यसपछि उनले प्रहार मिडियाका १२ भाईलाई गरे तर गल्ती उनको आफ्नै थियो। १२ भाईलाई गाली गर्दै उनीहरु प्रति औलो देखाउदै बाहिरिय कि लाग्थ्यो उनको बिषयमा कोही बोल्नै हुदैन। उनको प्रस्तुति शैली पुरानै टेलिभिजनमा कार्यक्रम चलाए जस्तै थियो तर त्यतिन्जेल उनी पहिलोपटक उपप्रधानमन्त्री सहित गृहमन्त्री भैसकेका थिए। उनले गरेको त्यतिबेलाको पत्रकार सम्मेलन हेर्दा उनमा राजनैतिक शिक्षा कम भएजस्तो देखिन्थ्यो, धेरैलाई त्यो पत्रकार सम्मेलन र उनको प्रस्तुति मन परेको थिएन। यस बिचमा उनले धेरै समस्याहरु झेले जनताले उनको अफ्ट्यारोमा साथ दिनुपर्छ भनी साथ पनि दिए, तर क्रमशः समय बित्दै जादा रवि प्रति जुन आशा भरोसा नेपाली जनतामा जागेको थियो त्यो उनी जसरी छोटो समयमा आए त्यसै गरि टुट्ने देखिन्छ।

क्रमशः समय बित्दै जादा नागरिकता दुई करोड काण्ड हुदै क्रमशः सहकारी काण्ड सम्म आइपुग्नु र जनचाहना र पार्टी कै केही नेताहरूको सल्लाह चाहना विपरीत एकलौटी रुपमा एकल निर्णय कै आधारमा जस्को जस्तोसुकै सरकार होस कुनै पनि हालतमा सरकारमा जाने र आफूले गृहमन्त्री नै खाने उनको एकल अडान अस्वभाविक लाग्ने उठबस दौडधुप उनको पहिलेको बोली र आजको व्यावहारमा फरक देख्दा उनलाई धेरैले पुरानै ड्याङ्को मुला भन्न थालेका छन्। जनताको तहवाट हेर्दा बुझ्दा लाग्छ उनको राजनीतिक ग्राफ ओरालो लागेको प्रष्ट देखिन्छ।