प्यूठान । माण्डवी गाउँपालिका–२ मर्कावाङ्गका दम्पत्ति हत्यामा संलग्न एक जनालाई प्रहरीले सार्वजनिक गरेको छ । माण्डवी गाउँपालिका–२ मर्कावाङ्गका ६० वर्षिय राम बहादुर परियार र उनको श्रीमति ५६ वर्षिय हुकुमा परियारको हत्या आरोपमा संलग्न भतिजा पंकज परियारलाई प्रक्राउ गरि आईतवार प्रहरीले सार्वजनिक गरेको हो । घरायसी बादविवादलाई ‘इगो’ बनाउँदा घटना घटेको प्रहरीको प्रारम्भीक अनुसन्धानवाट खुलेको प्यूठान प्रहरी प्रमुख दिपक बस्यालले बताउनुभयो ।
शुक्रवार राती झण्डै साढे १० बजे दोश्रो तलाको झ्यालबाट प्रवेश गरी भुईतलामा दम्पत्ति सुतीरहेको अवस्था पहिचान गरि घन प्रहार गरि हत्या गरेको प्रहरी अनुसन्धानवाट खुलेको छ । ‘दुवै जना निदायको पहिचान गरि छेउनेरै रहेको घनको प्रयोग गरि हत्या गरिएको छ’ प्यूठान प्रहरी प्रमुख वस्यालले भन्नुभयो, ‘तीन/तीन पटक टाउकोमा पालैपालो घन प्रहार गरि हत्या गरेको खुल्न आएकोछ ।’
घटनावाट बच्नका लागि पंकजलेनै अवेरसम्म नउठेको भन्दै प्रहरीलाई खबर गरेका थिए । घटनाको मुख्य कारण घरायसी विवाद र त्यसवाट उत्पन्न ‘ईगो’ नै प्रमुख कारण देखिएको बस्यालले बताउनुभयो । ‘हत्याको मुख्य कारण घरायसी विवादबाट उब्जीएको ईगो नै देखिन्छ’ प्रहरी प्रमुख बस्यालले भन्नुभयो, ‘स्वास्नी पाउन नसकेको थारो भन्दै काकी हुकुमाले गालिगलोज गरेपछि मार्छु भन्ने निर्णय लिएको पाईयो ।’
पंकजले वेलावेला मदिरा सेवन गरि काकाकाकीको घरमा गई वेलावेला विवाद समेत गर्ने र काका राम बहादुरले आफ्नो घरमा नआउन समेत भन्दै आएको प्रहरीको अनुसन्धानमा पंकजे बताएका छन् ।
