प्यूठान । सामाजिक परिवर्तनमा गैर सरकारी संस्था महासंघको भूमिका महत्वपूर्ण रहेको एक कार्यक्रममा बोल्ने बक्ताहरुले औल्याएका छन् । गैर सरकारी संस्था महासंघ नेपाल, लुम्वीनी प्रदेश समिति तथा जिल्ला शाखा प्यूठानको समन्वयमा जुम्री प्यूठानमा सम्पन्न स्थानीय योजना कानुन निर्माण प्रक्रियामा सहभागीता, संलग्नता र वकालतका सम्वन्धमा नागरिक संघसंस्थाका लागि अभिमूकिखरण कार्यक्रममा जिल्ला स्थित सरोकारवालाहरुले सामाजिक जागरण र परिवर्तनमा गैससको भूमिका महत्वपूर्ण रहेको बताएका हुन ।
कार्यक्रममा प्रमुख अतिथि जिल्ला समन्वय समिति प्यूठानका प्रमुख धरम बहादुर जि.सि.ले विकास निर्माण देखि सामाजिक जागरणका अभियानमा समेत गैर सरकारी संस्थाको भूमिका अतुलनिय रहेको बताउनुभयो । गैर सरकारी संस्था दातृ निकायसंग मात्रै भर नपरी स्थानीय सरकारसंगको समन्वयमा समेत यस्ता कार्यक्रमको नियमिततालाई अगाडी बढाउन उहाँको सुझाव थियो ।
कार्यक्रमा प्यूठान नगरपालिकाका मेयर विष्णु बहादुर योगीले स्थानीय सरकार गैर सरकारी क्षेत्रको वैद्धिकतालाई उपयोग गर्न कुनै कन्जुसाई नगर्ने प्रतिबद्धता व्यक्त गर्नुभयो । परिवर्तीत समय अनुसार आफूलाई समयानुकुल परिवर्त गर्दै गैरसरकारी संस्थाहरु अगाडी बढ्नु पर्नेमा उहाँको जोड थियो ।
यस्तै कार्यक्रमा गाउँपालिका राष्ट्रिय महासंघ लुम्बीनी प्रदेशका अध्यक्ष तथा गौमुखी गाउँपालिकाका अध्यक्ष विष्णु कुमार गिरीले विकास निर्माण, सामाजिक जागरण संगै नेतृत्व स्थापित गर्नमा समेत गैरसरकारी संस्थाको महत्वपूर्ण योगदान रहेको बताउँनु भयो । ‘गैर सरकारी संस्था हाकेका विभिन्न व्यक्तिहरु अहिले विभिन्न पालिकाको नेतृत्वदायि भूमिकामा समेत आउँनु भएको छ’, उहाँले भन्नुभयो,यसले नेतृत्व स्थापितमा समेत गैरसरकारी संस्थाको भूमिका समेत स्पष्ट हुन्छ । गैर सरकारी क्षेत्रसंग स्थानीय तह हातेमालो गर्न तयार रहेको औल्याउदै उहाँले त्यस खालको सहकार्यका लागि महासंघको भूमिका वृद्धि गर्न समेत आवश्यक रहेको बताउनु भयो ।
कार्यक्रमा प्रमुख जिल्ला अधिकारी दिपकराज नेपाल, पत्रकार महाहसंघ जिल्ला शाखा प्यूठानका अध्यक्ष श्रीराम भण्डारी,गैर सरकारी संस्था महासंघ प्यूठानका पूर्व अध्यक्ष अर्जुन कुमार कक्षपति र लोक बहादुर बस्नेतले मन्तव्य राख्नु भएको थियो ।
कार्यक्रममा गैर सरकारी संस्था सम्वन्धी विभिन्न कानुनी प्रावधान, दर्ता, नविकरण तथा आवद्धता सम्वन्धमा झेल्नु परेका समस्या संगै नागरिक समाजको भूमिका सम्वन्धी लुम्वीनी प्रदेश समिति अध्क्ष जित कुमारी वेलवासे (शुशिला) ले प्रस्तुतीकरण गर्नु भएको थियो । संघिय संरचना भए पश्तात गैर सरकारी संस्थाले विभिन्न समस्याहरु झेल्दै आउनु परेको उहाँको भनाई थियो ।
गैरसरकारी संस्था महासंघ प्यूठानका अध्यक्ष विजय कुमार श्रेष्ठको अध्यक्षतामा सम्पन्न कार्यक्रममा महासंघ लुम्वनी प्रदेशका कार्यक्रम संयोजक केशव भुषलले कार्यक्रमको उद्येश्यमाथी प्रकाश पार्नु भएको थियो । जिल्ला स्थीत विभिन्न सामाजिक संघसंस्थाका प्रतिनिधिको सहभागीतामा सम्पन्न कार्यक्रममा स्वागत शाखा उपाध्यक्ष भगत कर्माचार्य र संचालन प्रज्वल पहाडीले गर्नुभएको थियो ।
