प्यूठान । सार्वजनिक यातायात बचाउँ केन्द्रिय संघर्ष समितिले सोमवार देखि अनिश्चितकालिन यातायात सेवा वन्द गर्ने घोषणा गरेको छ । यातायात व्यवसाय सम्वन्धी ७ वुदे माग गर्दै संघर्षका कार्यक्रम तय गरेको संघर्ष समितिले भोली जेठ १९ गते सोमवार देखि देशभर यातायात सेवा बन्द गर्ने घोषणा गरेको हो ।
सार्वजनिक यातायात केन्द्रिय महासंघ तथा विभिन्न मजदुर संघ/संगठनहरुले यातायात क्षेत्र बचाउँका लागि भन्दै यातायात सेवा बन्द गर्ने घोषणा गरेका हुन । सवारी ऐन २०४९ को संघिय ऐनको विपरित गण्डकी प्रदेशले नीजि सवारी साधन (रातो नम्वर प्लेट) लाई भाडाको सवारी साधन (कालो नम्वर प्लेट) जस्तै यात्रु वोक्ने अनुमति प्रदान गरेको भन्दै यातायात व्यवसायि आन्दोलनमा उत्रियका हुन ।
सर्वोच्च अदालतको मिति २०८० चैत्र २० गते संघसंस्था दर्ता ऐन २०३४ मा रहेको संघ समिति नविकरण सम्पत्ति फुकुवा सम्वन्धी परमादेश गृहमन्त्रालयले कार्यान्वयन नगरेको, सवारी २०४९ संशोधनको क्रममा रहेको र यातायात व्यवसायि महासंघ तथा यातायात मदजुर संघसंगठन र नेपाल सरकार विच भएका सहमति र सरकारवाट गठित कार्यदलका सुझावहरु कार्यान्वयन गर्नु पर्ने लगाएत मागहरु यातायात व्यवसायिका रहेका छन् ।
यातायात व्यवसायिको आन्दोलनलाई एक्यवद्धता जनाउँदै नमस्ते प्यूठान यातायात सेवा प्रा.लि.र स्वर्गद्धारी गौमुखी यातायात सेवा प्रा.लिले सोमवार देखि कुनै पनि सार्वजनिक यातायात सेवाका गाडीहरु संचालन नगर्ने जनाएका छन् ।
यातायात व्यवसायिहरुका मागहरु राज्यले नसुनेकोले यातायात सेवा बन्द गर्नु पर्ने बाध्यता भएको नमस्ते यातायात सेवा प्रालिका अध्यक्ष लिलापसिंह केसी र स्वर्गद्धारी गौमुखी यातायात सेवा प्रालिका अध्यक्ष चन्द्रमान श्रेष्ठको भनाई छ । नमस्ते यातायात सेवा प्रालिले विज्ञप्ती जारी गर्दै आन्दोलनमा एक्यवद्धता जनाएको छ । यातायात सेवा प्रालिका कार्यालय प्रमुख दिल बहादुर दशौंदीको हस्ताक्षरमा जारी गरिएको विज्ञप्तीमा यात्रुप्रति हुनजाने असुविधा प्रति क्षमायाचना गरिएको छ ।
