नेपाल निर्माण व्यवसायी महासंघका अध्यक्ष रवि सिंहले सरकारले निर्माण क्षेत्रका समस्यालाई अवज्ञा गर्दै आएको बताउनुभएको छ । मंगलवार निर्माण व्यवसायी संघ प्यूठानको १२ औं साधारणसभा तथा छैठौं अधिवेशनलाई उद्घाटन गर्दै उहाँले राज्यका नीति नियमका कारण नीर्माण क्षेत्र धरासायि बन्दै गएको बताउनुभयो ।
सार्वजनिक खरिद ऐन र राज्यको कानुन निर्माण मैत्री नहुँदा निर्माण व्यवसायिले अनेकौं अप्ठ्यारा झेल्नु पर्ने समस्या रहदै आएको उहाँले बताउनुभयो । “निर्माण क्षेत्रलाई चलाएमान बनाउने दायित्व राज्यको हो” सिंहले भन्नुभयो, “व्यवसायिलाई अफ्ठेरोमा पारेर राज्य उम्कन पाउँदैन ।” सार्वजनिक खरीद ऐन र निर्माण सम्बन्धी कानुन तत्काल शंसोधन गर्नुपर्ने आवश्यकता रहेको उहाँको भनाई छ ।
सरकारकै संरक्षणमा कालोबजारी मौलाउँदा समेत राज्य मौन रहेको उहाँको आरोप छ । “साउनमा ४ सय बोरा सिमेन्टको भाउँ अहिले दोब्बोर भएको छ” उहाँले भन्नुभयो, “सरकारी संरक्षणमा नै कालो बजारी मौलाउदै आएको छ ।” अन्य निर्माण समाग्रीमा समेत मुल्य बृद्धिहुदा व्यवसायिलाई समस्या रहदै आएको उल्लेख गर्नुभयो ।
उद्घाटन समारोहमा लुम्बिनी प्रदेश सभा सदस्य तुल्सीराम शर्मा, जिल्ला समन्वय समिति प्यूठानका प्रमुख धरम बहादुर जिसी, मल्लरानी गाउँपालिका प्यूठानका अध्यक्ष कृष्ण बहादुर खड्का, निर्माण व्यवसायि महासंघका केन्द्रिय महासचिव रोधन दाहाल, केन्द्रिय कोषाध्यक्ष हिरन कुमार श्रेष्ठ,निर्माण व्यवसायी महासंघ लुम्बिनी प्रदेश तथा प्रदेश अन्तरगत विभिन्न जिल्लाका अध्यक्ष,राजनीतिकदलका प्रतिनिधि लगाएतले सम्बोधन गर्नुभएको थियो ।
जिल्ला समन्वय समिति प्यूठानको सभाहलमा भएको उद्घाटन कार्यक्रममा संघका महासचिव नाराष्ण ज्ञावालीले प्रगति प्रतिवेदन र कोषाध्यक्ष विसेक थापाले आर्थिक प्रतिवेदन प्रस्तुत गर्नुभएको थियो । संघका जिल्ला अध्यक्ष नविन कुमार श्रेष्ठको अध्यक्षतामा सम्पन्न कार्यक्रमको संचालन पत्रकार विजयसिंह भारतीले गर्नुभएको थियो । दुई दिन सम्म चल्ने अधिवेशनले संघको नयाँ नेतृत्व समेत चयनगर्ने छ ।
