प्यूठान । झिमरुक गाउँपालिकाले आर्थिक वर्ष २०८१/०८२ दोस्रो चौमासिक अवधिको सार्वजनिक सुनुवाई कार्यक्रम तथा मध्यावधि समिक्षा कार्यक्रम सम्पन्न गरेको छ । गाउँपालिकाको आयोजना तथा संघर्ष मिडिया प्रालिको सहजिकरणमा शुक्रवार कार्यक्रम सम्पन्न गरीएको हो ।
सार्वजनिक सुनुवाई कार्यक्रममा उठेका सवालहरुको सम्वोधन गर्दै गाउँपालिका अध्यक्ष पित बहादुर एम.सि.ले सिमित स्रोत साधनका कारण जनताका सवै गुनासा सम्वोधन गर्न कठिनाई भएको बताउनुभयो । “नागरिक आकांक्षा र दिर्घकालिन प्रभाव रहने योजनालाई प्राथमिकतामा राख्दै हामीले काम गर्दै आएका छौ”, अध्यक्ष एम.सी.ले भन्नुभयो, “सिमित स्रोतसाधनका कारण सवै समस्या यकै पटक हलहुने कुरा भएन ।” पालिकाले शिक्षा क्षेत्रलाई प्रमुख प्राथमिकतामा राख्दै बजेट तथा कार्यक्रम तर्जुमा गर्दै आएको बताउनुभयो ।
सार्वजनिक सुनुवाईको क्रममा विकास निर्माण सम्वन्धी विभिन्न जिज्ञासा, मदनभण्डारी राजमार्ग अन्तरगत झिमरुक क्षेत्रमा भएको सडक निर्माण र क्षती, पर्यटन प्रर्वद्धन, खेलकुद मैदान लगाएत विषएमा स्थानीयले प्रश्न गरेका थिए ।
कार्यक्रममा गाउँपालिकाका निमित्त प्रमुख प्रशासकीय अधिकृत हरी प्रसाद पोख्रेलले दोस्रो चौमासिक अवधिमा भएको क्रियाकलाप सम्वन्धी प्रगति विवरण प्रस्तुत गर्नु भएको थियो । कार्यक्रमको सहजिकरण पत्रकार प्रज्वल पहाडीले गर्नु भएको थियो ।
