भारत दिल्लि । भारतको उत्तराखण्डस्थित केदारनाथ नजिक दर्शनार्थी बोकेको हेलिकोप्टर दुर्घटना हुँदा दुई पाइलटसहित सात जनाको मृत्यु भएको छ ।
भारतीय सञ्चारमाध्यमहरूका अनुसार केदारनाथबाट दुई किलोमिटर टाढा गरुडचट्टी भन्ने स्थानमा हेलिकोप्टर दुर्घटना भएको हो ।
उत्तराखण्डका मुख्यमन्त्रीका प्रमुख सचिव अभिनव कुमारले हेलिकोप्टर दुर्घटनामा दुई पाइलटसहित सात जनाको मृत्यु भएको पुष्टि गरेका समाचारमा जनाइएको छ ।
खराब मौसमका कारण दुर्घटना भएको बताइएको छ । अहिले उद्धारको काम भइरहेको छ ।
